Нийслэлийн өмчийн харилцааны газарт бүртгэлтэй орон сууцыг оршин суугаа иргэдэд нь өмчлүүлэх ажил зах зээлийн нийгэмд шилжснээс хойш үргэлжилсээр ирсэн. Тэгвэл саяхан Нийслэлийн Засаг дарга бөгөөд Улаанбаатар хотын Захирагч Э.Бат–Үүл “Орон сууцыг хувьчилж, нийслэлийн өмчийн бүртгэлээс хасах тухай”  захирамж гарган нэгэн орон сууцыг хувьчилахаар болсон байна.  Захирамжаар Баянзүрх дүүргийн 19 дүгээр хорооны 5 дугаар хэсгийн нутаг дэвсгэрт /Шар хад, Цайз захын зүүн хойно/ байрлах хуучин Орос цэргийн казарм байсан одоо орон сууцны зориулалтаар ашиглаж байгаа 52 сая 704 мянган төгрөгийн бүртгэлийн үнэ бүхий 1, 2, 3 дугаар байрны 47 айлын орон сууцанд амьдарч буй нэр бүхий иргэдэд орон сууц эзэмших эрхийн бичиг олгохыг даалгасан аж.  
 
Ингэснээр нийслэлийн Орон сууц нийтийн аж ахуйн удирдах газар иргэд ийн Орон сууц эзэмших эрхийн бичг үндэслэн үнэ төлбөргүй хувьчлах,  үйл ажиллагааг явуулах бөгөөд бүрэн дууссаны дараа нийслэлийн өмчийн бүртгэлээс хассанаар иргэдийн өмч болох аж.