Ази-Европын уулзалт буюу АСЕМ нь Ази, Европын орнуудын хамтын ажиллагааг харилцан хүндэтгэх, эрх тэгш хамтран ажиллах зарчмын үндсэн дээр өргөжүүлэн хөгжүүлэх зорилготой үйл явц бөгөөд Европын холбооны гишүүн 27 улс, Зүүн Өмнөд Азийн улсуудын холбооны /АСЕАН/ гишүүн 10 улс, Австрали, БНСУ, БНХАУ, Бангладеш, Казакс­тан, Монгол, Норвеги, ОХУ, Па­кистан, Хорват, Швейцар, Шинэ Зе­ланд, Энэтхэг, Япон зэрэг орнуудаас бүрддэг дээд хэмжээний уулзалт юм.
      Харин ирэх онд манай улс энэхүү уулзалтыг албан ёсоор зохион байгуулах эрхийг аваад байгаа билээ. Тус уулзалтын бэлтгэл ажлын  хүрээнд нийслэлийн тохижилтын ажлуудыг цогцоор нь хийж эхлэхээр төлөвлөжээ. Тухайлбал, Яармагийн зам дагуу зүлэгжүүлж, 400 ширхэг мод тарина. Мөн нийслэлийн найман гудамжинд цогц тохижилт хийхээр болсон байна.
      Түүнчлэн явган хүний зам, дугуйн зам, нийтийн эзэмшлийн талбайд тусгай тэмдэг, тэмдэглэгээг хийх ба нийслэлийн 20 гаруй хөшөө дурсгал болон усан оргилуурыг сэргээн засварлах ажлуудыг хийж эхэлжээ.