Нийслэлийн иргэдийн тэргүүлэгчдийн хуралдаанаар ийм шийдвэрийг саяхан гаргажээ. Нийслэл хотдахь орон сууцны хорооллын тохижилт тааруухан талаар хүн бүр л ярьдаг. Урин дулаан цаг ирэхээр Хот тохижилтын газраас тодорхой хөрөнгө зарцуулан их биш ч тохижилтын ажлыг хийдэг ч дараа жил дахиад л засварлан шинэчлэн шаардлагатай болдог байна. Иймд нийслэлээс дээрх шийдвэрийг гаргасан бөгөөд иргэд өөрсдийн хөрөнгөөр амьдарч буй орон сууцны хороололд тохижилтын ажлыг хийсэн тохиолдолд нийслэлээс хөрөнгө гаргаж худалдаж авахаар болж байна.
Ингэснээр нийслэлийн иргэдийн тав тухтай амьдрах бүрдэх төдийгүй өөрсдийн хөрөнгөөр барьж босгосон зүйлээ хайрлаж хамгаална хэмээн үзэж байгаа аж.  
Хотын шуурхай хуралдаан дээр ярьсан бас нэг чухал ажил бол хөршийн холбоог сайжруулах тухай байсан юм. Ингэснээр хотын хөгжилд маш чухал түлхэц болно хэмээн үзсэн. Цагдаа хуулийн байгууллага мэдээгүй байгаа зүйлийг хөршийн холбоо шуурхай ажилласны үр дүнд илрэх, цаг алдалгүй арга хэмжээ авах нөхцөл ч бүрддгийг хотын дарга онцлон хэлж байв.