Хүний амьдрах орон зайг бүрэн шийдсэн хамгийн авсаархан гэрийг Австри улсад зохион бүтээжээ. Энэхүү бүтээлийг  Ecocapsule гэх бөгөөд ердөө 4.5 метр урт, 2.4 метр өргөн,  2.5 метр өндөртэй ч гэрт байх ёстой бүхий л зүйлийг багтааж чадсан.  Эко гэрт эвхдэг ор, хоёр том цонх, гал тогоо, шүршүүр болон ариун цэврийн өрөө, ажлын ширээ гээд бүгд бий.
      Эко гэрийн хамгийн авууштай тал нь 750в цахилгаан гаргах хүчин чадалтай салхин сэнс болон  600в цахилгааны хүчин чадалтай 2.6 метр квадрат нарны зайн хавтанг суурилуулж өгсөн явдал юм. Үүгээр ч зогсохгүй бөөрөнхий дээврийн ачаар борооны усыг цуглуулж гэрийн доод хэсэгт хадгалах боломжтой. Эко гэр нь  1500 кг жинтэй бөгөөд стандарт тээвэрлэлтийн савны дотор багтах болно.
     Долоон жилийн турш төлөвлөгдөж, туршигдсаар ирсэн уг бүтээлийг энэ оны  5-р сарын 28-ны өдөр Австрийн Вена хотноо нэгэн үзэсгэлэн дээр танилцуулсан бөгөөд 2016 оноос худалдаанд гаргахаар төлөвлөөд байгаа аж.