Нийслэлийн мэргэжлийн хяналтын газраас “ ИРГЭН БҮР-ЭРСДЭЛГҮЙ ОРЧИНД” сарын аяныг өнөөдрөөс эхлэн нийслэлийн хэмжээнд өрнүүлж байна. Тус  аяны хүрээнд уул уурхайн чиглэлээр үйл ажиллагаа  эрхлэгч аж ахуйн нэгжүүдийн дунд туршлага солилцох өдөрлөгийг Хан-Уул дүүрэгт байрлах “ Эх Дэлгэр Мөрөн” ХХК –ний талбайд зохион байгууллаа.

       “Элс Хайрга Дайрга үйлдвэрлэгч компаниудын холбоо” ТББ болон Нийслэлийн мэргэжлийн хяналтын газар  2013 оноос хамтран ажиллаж байгаа бөгөөд энэ үйл ажиллагааныхаа хүрээнд сургалт семинарыг жил бүр нэг удаа хийдэг юм байна. Хамтран явуулсан сургалтын үр дүнд тус холбооны гишүүн байгууллагууд техникийн нөхөн сэргээлтийг 96% -тай, биологийн нөхөн сэргээлтийг 50-90% -тай амжилттай хийж гүйцэтгэдэг болсон гэнэ.

        Энэ өдөр “Эх Дэлгэр Мөрөн” ХХК-ний үйл ажиллагаатай танилцах явцад хайрга олборлолтын үйл ажиллагаа болон уул уурхайн зохион байгуулалт, хөдөлмөр хамгаалал, ажлын байран дахь дотоод хяналтыг хэрэгжүүлсэн байдал, үйлдвэрлэлийн технологийн туршлага зэргийг бусад тусгай зөвшөөрөл эзэмшигч компанийн удирдлагуудад танилцуулан, туршлага солилцсон юм. Өнөөдрийн арга хэмжээнд  НМХГ-ын 30 гаруй албан хаагчид, төрийн бус байгууллагуудын төлөөлөл,  элс хайрга олборлогч компаниуд зэрэг 60 гаруй хүний бүрэлдэхүүн оролцлоо. 








           Хан-Уул дүүргийн нутаг Гишүүний амны " Харз" элс хайрганы ордуудын талаар мэдээлэл





           “ Эх Дэлгэр Мөрөн” ХХК-ийн барилгын материалын түүхий эд, бүтээгдэхүүний танилцуулга







НМХГ-ын улсын байцаагч Ч. Өсөхбаяр / Барилгын материал, түгээмэл тархацтай ашигт малтмалын дээж авч, цацрагийн шинжилгээ хийлгэх түвшний хэмжилт хийдэг төхөөрөмжийн танилцуулгыг хүргэж байна.  / 



                   “ Эх Дэлгэр Мөрөн” ХХК-ийн хайрга олборолтын үйл ажиллагаатай танилцах хөтөлбөр 



















                               Биологийн нөхөн сэргээлтээр 600 гаруй мод тарьсан байдал