Дэлхийн ихэнхи хотуудын гудамжийг нэг наст цэцгээр гоёдог жишгээр нийслэлийн өнгө үзэмжийг сайжруулах, тоосжилтийг багасгах зорилгоор  2013 оноос төв гудамжуудыг нэг наст цэцгэн мандалаар чимэх болсон. Жилийн дөрвөн улирал, уур амьсгалын эрс тэс нөхцлөөс шалтгаалж олон наст цэцэг тарих боломж байдаггүй байна. “Нийтийн үйлчилгээний Улаанбаатар нэгтгэл” ОНӨААТҮГ-аас 2015 онд нийт 200 000 ширхэг цэцэг тарихаар төлөвлөж, ажилдаа ороод байна.  Эхний ээлжинд “Чингисийн талбай”-д 500М² талбайг цэцэрлэгжүүлэх ажил дуусч байгаа бөгөөд нийслэлийн бүх авто замын шинэчилсэн уулзварын шороон арлуудыг цэцэгжүүлнэ. Нэг наст цэцэг тарихад нийслэлийн төсвөөс 200 орчим сая төгрөг зарцуулна.