Японы нэрт архитекторч Андо Тадоа эх орондоо төдийгүй дэлхий дахинд алдаршсан нэртэй уран бүтээлч юм. Андо Тадоа их сургуульд суралцаж дээд боловсрол эзэмшээгүй бөгөөд залуудаа тэрбээр мэргэжлийн боксын тамирчин байжээ. Хэсэг хугацаанд бокс тоглосныхоо дараа өөрийн хамгийн дуртай ажил болох барилга байшин зурахыг тууштай сонирхох болсон гэдэг.
         Тэрбээр эхэндээ алдартай гоё сайхан барилгуудын гаднах төрхийг дууриалган зурдаг байж. Харин дараа нь тэдгээр барилгуудын загвар хийцийг өөрчлөн зурах болсон байна. Ийнхүү хийц бүтээцийг өөрчлөн зурж байхдаа архитекторын мэргэжилд шунан дурлах болсон бөгөөд франц гаралтай швед архитектор Ли Корбузэрээр /Le Corbusier/  хийчээл заалгах болжээ.
Түүнчлэн барилгын талбайд ажиллаж, өөрийн биеэр суралцжээ.  Өдгөө түүний лекцийг сонсох гэсэн Японы мянга мянган залуу архитекторууд хэдэн сараар хүлээдэг бөгөөд орон зайн төлөвлөлтийг түүн шиг сайн хийдэг инженер үгүй гэж ярьдаг байна.
           Андо Тадоа “Тав тухтай амьдрахад хамгийн хэрэгтэй зүйл юу бол. Би бол тохилог сайхан барилга орон сууц юм гэж боддог. Гэхдээ тэрхүү барилга нь гүн ухаан, уран сэтгэмжээс үүссэн байх ёстой” хэмээн хэлсэн байдаг. Үнэхээр ч түүний зурсан зургаар барьсан барилгууд уран сайхан, урлаг тал нь давамгайлсан байхаас гадна орчны байгаль, бусад барилгуудтай зохицдог тухай мэргэжлийн хүмүүс хэлжээ.
Хэдийгээр албан ёсны боловсрол эзэмшээгүй ч төрлөх авъяас, уйгагүй хөдөлмөрийн үр шимээр барилгын зураг төслийн салбарт амжилттай ажиллаж, дэлхийн шилдэг архитекторчийн тоонд  зүй ёсоор тооцогдох болсон Андо Тадоагийн бүтээлүүдээс уншигчддаа танилцуулахдаа таатай байна.