Энэ удаагийн арга хэмжээнд  АНУ, Япон, БНСУ-ын бетон судлалаар мэргэшсэн эрдэмтэд оролцсноос гадна барилга байгууламжийн үндсэн түүхий эд болох бетоны чанар стандартын талаар санаа зовнидог  барилгын салбарын  дотоодын эрдэмтэн багш нар, судлаачид оролцож судалгааны ажил болоод туршлагаас хуваалцлаа. Хурлын үр дүнгээс манай үйлдвэрлэгчид олон улсын чанарын шаардлага хангахуйц бетоныг үйлдвэрлэх нөхцөл боломж бүрэн байгаа төдийгүй үйлдвэрлэж чадаж байна хэмээн дүгнэсэн.

Гэвч барилга угсралтын салбарт өөрөөр хэлбэл гүйцэтгэгчид, төсөл хэрэгжүүлэгчид хамгийн сүүлийн үеийн шинэ технологийг авч хэрэглэхгүй байна гэсэн дүгнэлтэд хүрсэн юм. Ийм ч учраас Монголын бетон судлалын  үндэсний холбооноос шинжлэх ухааны байгууллагуудыг бизнесийн салбарынхантай холбох гүүр нь болж ажиллах шаардлагатай байгаа тухай ярилцав.