Нийслэлийн Засаг даргын санаачилгаар “Ахмадын орон сууц” хөтөлбөрийг нийслэлийн ИТХ –ын 2013 оны 9/36 дугаар тогтоолоор баталсан. Уг орон сууцны хамгийн жижиг өрөө нь 25,8 метр квадрат, хамгийн том өрөө нь 37,3 метр квадрат хэмжээтэй. 1 метр квадрат талбайн түрээсийн төлбөр 3000 төгрөг юм.

Хөтөлбөрт хамрагдах иргэдийг сонгон шалгаруулах журам баталж, шаардлага хангасан иргэдийн асуудлыг нэг бүрчлэн хэлэлцэн эхний ээлжинд нийт 300 иргэдийг түрээсийн орон сууцанд оруулж “Орон сууц хөлслөх эрхийн бичиг” гардуулсан. Эхний ээлжийн “Ахмадын хотхон-1” ОНӨААТҮГ-ын захиргаатай гэрээ байгуулан иргэд нүүж орсноор үйл ажиллагаа нь хэвийн явагдаж байгаад  иргэд сэтгэл хангалуун байгааг уламжилж байсан.

“Ахмадын орон сууц-2”  хөтөлбөрийн 2-р ээлж Сүхбаатар дүүргийн 7 дугаар хороололд 396 айлын орон сууц баригдаж байгаа бөгөөд 2015 оны 3 дугаар улирлын сүүлчээр эхний ээлжийн 132 айлын орон сууц ашиглалтанд орно.
“Ахмадын орон сууц” хөтөлбөрт хамрагдах хүсэлтэй иргэдийн өргөдлийг нийслэлийн ЗДТГ-ын Иргэд хүлээн авах төвөөр дамжуулан авч байна.