Хорватын дизайнер Dizzconcept-ын зохион бүтээсэн PIA  гал тогооны тавилга нь бага талбайтай өрөөнд хамгийн тохиромжтой бөгөөд ердөө 16 хавтгай дөрвөлжин фут зай эзэлдэг.

       Жижиг зай талбайтай гал тогооны өрөөнд тавилгуудаа багтаахын тулд мини хөргөгч, жижиг зуух тавих  шаардлагатай болдог ба энэ нь тийм ч зөв сонголт биш юм. Харин PIA  гал тогоо нь таны хэрэгцээг хязгаарлахгүйгээр зай талбай хэмнэх асуудлыг шийдэж өгдөг. Хаалттай үед  ердийн хувцасны шүүгээ шиг харагдах бөгөөд өнгөний хувьд цагаан, хар, саарал гээд олон сонголттой.   
          Хаалган дээр нь төрөл бүрийн гар урлалын болон бэлэг дурсгалын чамин эдлэл хэрэгслүүд тавьж болно, бүр хавтгай дэлгэцтэй телевизор байрлуулах ч боломжтой. Гал тогооны тавилгын өндөр нь 77 инч,  өргөн нь 32 инч ба онгорхой үед уртаараа  73 инч хүртэл сунадаг.
       Гал тогооны тавилгын хаалга нь нээж хаахад маш хялбар төдийгүй хаалгануудад  хайруулын таваг,  цайны аяга, дарс болон дарсны хундага,  элдэв сав, бусад жижиг хэрэгслийг хадгалах тавиурнууд суурилуулж өгсөн. PIA  гал тогоонд  аяга таваг, хоол цайны сав зэрэг хэрэгслийн тавиурнаас гадна богино долгионы зуух, хогийн сав, угаалтуур гээд жирийн гал тогооны тавилгад байх бүхий л зүйлс бий. Шүүгээний арын хананд суурилуулсан LED гэрэлтүүлэг нь хаалга нээгдэх үед автоматаар асдаг.