Байгаль орчны доройтол, цөлжилт маш хурдтай явагдаж байгаа нь дэлхий дахины сэтгэлийг түгшээгээд буй. Энэ асуудлыг нааштай шийдэх нэгэн оновчтой шийдлийг  АНУ-ын загварын томоохон баг санал болгож байна.  Тус шийдэл нь Египетийн эртний пирамидын суурин дээр үндэслэн аварга том хүлэмж буюу био пирамид байгуулах явдал юм. Үүнийг байгаль хамгаалах “амьд машин” гэж тодорхойлж болно.
      "Био-Пирамид” төсөл нь 2015 eVolo Skyscraper Competition  тэмцээнд түрүүлсэн бөгөөд зохион бүтээгчээр David Sepulveda, Wagdy Moussa, Ishaan Kumar, Wesley Townsend, Colin Joyce, Arianna Armelli,  Salvador Juarez нар ажиллажээ. Төслийн баг Египет, Сахарын цөлд баригдах дэлхийн хамгийн том байгууламжийн дизайны санааг  хөдөө аж ахуй дээр суурилсан эртний соёл иргэншлээс олж авсан байна. Цөлийн аварга том баян бүрд шиг Био-Пирамид  дотроо ус цэвэршүүлэх системтэй, байгалийн эрчим хүч үйлдвэрлэх төдийгүй таримал ургамлаар дүүрэн байх бөгөөд ерөнхийдөө өөрийн гэсэн бичил уур амсьгалыг бүрдүүлсэн байна.
      Төслийн багийнхан хэлэхдээ: Манай " Био-Пирамид " төсөл нь уламжлалт аялал жуулчлалын талаарх төсөөллийг эвдэх, жинхэнэ дэлхий нийтийн өөрчлөлт хийж дахин идэвхжүүлэх газар бий болгох зорилготой” гэжээ. 1280 футын өндөртэй "Био пирамид" газрын гүн дэх усан сантай холбогдох ба бохирдсон усыг дахин боловсруулах болон ус хураах систем нь усан хангамжийг нөхөн сэргээх юм. Тус байгууламж дотор музей,  жижиглэн худалдааны төв, эрдэм шинжилгээний лаборатори, мөн их сургууль ч байрлах боломжтой.