Энэхүү галт тэрэг нь  байгаль орчинд ээлтэй нэгэн гайхалтай бүтээл болох бөгөөд төслийн ажил одоогоор туршилтын шатанд явж байгаа аж.  Энэхүү бүтээлийн зохиогчийн эрхийг НАСА эзэмшдэг бол төслийг бүхэлд нь Vittori лаборатори удирдаж байгаа гэнэ.  
       Vittori лаборатори болон бусад дизайнерууд НАСА-гийн боловсруулсан  технологийн дагуу нүүрстөрөгчийн давхар ислийн хийг шингээж, хүчилтөрөгч ялгаруулдаг зарим ургамлыг ашиглан агаарын чанарыг сайжруулах зорилготой Агаарын галт тэрэг бүтээх төслийг боловсруулсан байна.
Байгаль дээрх ногоон ургамлуудаас нүүрстөрөгчийн хийг хамгийн их шингээж авдаг нь далайн хөвөн байдаг бол Агаарын галт тэргэнд тариалах ногоон ургамал нь түүнээс хэд дахин үр дүнтэй байх аж. Ургамлыг чийгшүүлэхийн тулд галт тэргэнд тусгай услах систем суурилуулж өгөх бөгөөд шилэн бүхээгний ачаар эдгээр супер ургамлууд нарны гэрлээс илч авч ургах гэнэ.