Монголын барилгын инженерүүдийн 2015 оны чуулга уулзалт амжилттай үргэлжилж байна
Монголын Барилгын Инженерүүдийн холбооны 2015 оны ээлжит уулзалт Улаанбаатар хотноо 06-р сарын 18-19 ны хооронд 2 өдөр зохион байгуулагдах юм. Энэхүү арга хэмжээний талаар Монголын барилгын инженерүүдийн холбооны гүйцэтгэх захирал Б. Гантөмөрөөс тодрууллаа.
- Сайн байна уу. Өнөөдрийн семинарын талаар мэдээлэл өгөхгүй юу ?
Инженерүүдийн холбоо 2015 оны уулзалт арга хэмжээнийхээ хүрээнд олон улсын уулзалт семинараа уламжлал ёсоор зохион байгуулж байна. Энэхүү семинар нь жилд нэг удаа зохион байгуулагддаг уламжлалтай. Энэ жилийн семинар 2 хэсгээс бүрдэж байгаа юм. Эхний хэсэгт “Барилгын талбайн удирдлага, зохион байгуулалт, чанарын хяналт-олон улсын туршлага” сэдэвт семинар 2-р дугаар хэсэгт “ Гёотехникийн тулгамдаж буй асуудлууд-хэтийн төлөв сэдвийн хүрээнд Тайвань, Солонгос, Япон, Филлипин зэрэг улсын барилгын салбарын төлөөлөгчид өөрийн улс оронд нэвтэрсэн дэвшилтэт технологи, туршлагаасаа хуваалцсан семинарыг тавих болно.
- Энэ жилийн семинарын онцлог ?
Энэ жилийн семинарын онцлог гэвэл харилцан гадаад дотоод улс өөрсдийн туршлагаасаа солилцох, түүнийг хэрхэн нэвтрүүлэх боломжийн талаар судалгаан дээр үндэслэн илтгэл тавих, дугуй ширээний уулзалт зохион байгуулснаар маш үр дүнтэй чуулга уулзалт болно гэж дүгнэж байна. Мөн энэхүү чуулга уулзалт шиг 9-сард Япон улсад болох барилгын салбарын уулзалтанд манай холбоогоор дамжуулан бүртгүүлэн оролцох боломжтой.
- Семинарыг нээж " Монголын инженер-геологийн холбооны ерөнхийлөгч О. Балддорж " Монголын инженер-геологийн албаны хөгжил 55 жилд сэдвээр илтгэл тавьсан юм.
Монгол улсад үндэсний инженер геологийн алба үүсч хөгжсөний 55 жилийн ой тохиож байна. Монгол оронд өрнөсөн их бүтээн байгуулалтын үндэс нь Монгол улсын хөгжлийн тодорхой төлөвлөгөөний дагуу жил, таван жилээр хөгжиж ирсэнийг дагаж инженер-геологийн судалгааны ажил, норм дүрэм, стандарт гэсэн үе шатуудыг дамжиж ирсэн түүхтэй.
"Солонгос улсын геотехникийн салбарын хөгжлийн өнөөгийн байдал, байгаль орчноос үүдэлтэй эвдрэл" сэдвээр СБИХ-ны Дэд ерөнхийлөгч, Ёонсей Их сургуулийн профессор Санг Сеам Жонг илтгэл тавьсан юм.
Тэрээр илтгэлдээ Солонгос улсад баригдаж буй томоохон бүтээн байгуулалтуудын дэвшилтэт технологи ашигласан байдал, барилгын бүтээцийн талаар туршлагаасаа хуваалцлаа.
БНСУ-ын орчин үеийн дэвшилтэт гүн суурийн технологийн талаар одоо Солонгос улсад баригдаж буй 123 давхар Lotte Tower барилгад хэрхэн ашигласан талаар туршлагаас хүргэв.
"Геотехникийн тулгамдаж буй асуудлууд-хэтийн төлөв" олон улсын өнөөдрийн форумын үеэр Солонгос, Япон, Тайваны барилгын инженерүүдийн холбооны гадаад харилцааны хорооны гишүүн Профессор Чи Ванг Сэнг, Японы Сайтама их сургуулийн профессор Такеши Маки, тус сургуулийн профессор Хироши Мицуёоти, Японы Геологи, геотехникийн инженерийн судлаач Томохиро Фужита нар илтгэл тавьсан юм.
Ийнхүү эхний өдрийн чуулга уулзалт амжилттай болж өндөрлөлөө. Маргаашийн чуулга уулзалтын хөтөлбөр
- Төр, Хувийн Хэвшлийн Түншлэл, Бодлого, Хэрэгжилт, Туршлага” Олон улсын дугуй ширээний ярилцлага 06-р сарын 19-нд 10:00-13:00 цагт Чингис хаан зочид буудлын хурлын танхимд болно.
- Монголын Барилгын Инженерүүдийн Холбооны 8-р Хурал 06-р сарын 19-нд 14:00-18:00 цагт Чингис хаан зочид буудлын хурлын танхимд болно. Хурлаар холбооны ажлын тайлан тавих, цаашдын зорилт дэвшүүлэх, дүрмийн хэлэлцүүлэг хэлэлцэх , Удирдах зөвлөлийн гишүүд сонгох үйл ажиллагаанууд явагдана.