Далай тэнгисийн адал явдалд дуртай жуулчдад зориулсан нэгэн сонирхолтой амралтын газар Энэтхэгийн далайн эрэг дээр Танзани улсад бий. “Ногоон арал” нэрээрээ алдаршсан Пемба арлын ойролцоох Манта амралтын газрын өрөөнүүд нь далайн усан дор байрладаг. 
      Зочид өдөр нь байрныхаа дээд талын тавцан дээр гарч биеэ наранд шарж, усны мандал дээрхи зоогийн газар хооллоод, орой өрөөндөө очихын тулд төрөл бүрийн загас, далайн ургамал, амьтдаар хүрээлүүлсэн далайн замаар  шумбах хэрэгтэй болно.  
     Далайн түвшнээс доош 4 метрт байрлах хаалга хүртэлх замыг гэрэлтүүлсэн тул Энэтхэгийн далайн үзэсгэлэн төгөлдөр байгалийг тольдох боломжтой. Энэтхэгийн далайн үзэсгэлэнг биширч, Манта, рей зэрэг олон төрөл зүйлийн далайн амьтдын дунд нэг шөнийг өнгөрүүлэхэд нэг хүний 750 доллар төлөх ёстой.