Монголын үндэсний статистикийн хорооноос гаргадаг улсын нийгэм эдийн засгийн үзүүлэлт 2015 оны 4-р сарын байдлаар ямар байгаа талаар өнөөдөр танилцууллаа.
 
 Хүн амын эдийн засгийн идэвх
 
 Ажиллах хүчний судалгааны 2015 оны 1 дүгээр улирлын дүнгээр улсын хэмжээнд ажиллах хүч буюу 15, түүнээс дээш насны эдийн засгийн идэвхтэй хүн ам 1205.5 мянга байгаагийн 632.1 мянга буюу 52.4 хувь нь эрэгтэй, 573.4 мянга буюу 47.6 хувь нь эмэгтэйчүүд байна.
Эдийн засгийн идэвхтэй хүн амын 734.7 мянга буюу 60.9 хувь нь хот, суурин газарт, 470.8 мянга буюу 3Судалгааны дүнгээр 2015 оны 1 дүгээр улиралд улсын хэмжээнд ажилгүй иргэд 88.6 мянга байгаагийн 53.6 мянга буюу 60.5 хувь нь эрэгтэйчүүд, 35.0 мянга буюу 39.5 хувь нь эмэгтэйчүүд байна. Улсын хэмжээнд ажилгүйдлийн түвшин 7.4 хувь болж, өмнөх оны мөн үеийнхээс 2.0 пунктээр буурсан байна.

Өрхийн орлого, зарлага

Өрхийн нийгэм, эдийн засгийн 2015 оны эхний улирлын судалгаагаар нэг өрхийн сарын дундаж мөнгөн орлого 941.5 мян.төг болж, өмнөх оны мөн үеийнхээс 56.5 мян.төг буюу 6.4 хувиар нэмэгджээ.
Нэг өрхийн сарын дундаж бодит мөнгөн орлогын хэмжээ (үнийн нөлөөллийг арилган тооцсон) 2015 оны эхний улиралд 861.4 мян. төг болж, өмнөх оны мөн үеийнхээс 23.6 мян. төг буюу 2.7 хувиар буурчээ.
Нэг өрхийн сарын дундаж мөнгөн зарлага 2015 оны эхний улиралд 963.3 мян.төг болж, өмнөх оны мөн үеийнхээс 81.8 мян.төг буюу 9.3 хувиар өссөн байна.

Дотоодын нийт бүтээгдэхүүн
 
ДНБ /үйлдвэрлэлийн аргаар/
 
Гадаад худалдаа

Улсын нэгдсэн төсвийн зарлага, эргэж төлөгдөх цэвэр зээлийн нийт хэмжээ 2015 оны эхний 4 сард 1919.8 тэрбум төг болж, өмнөх оны мөн үеийнхээс 138.3 тэрбум төг буюу 7.8 хувиар өсөхөд бараа, ажил үйлчилгээний зардал 77.6 тэрбум төг буюу 10.1 хувь, урсгал шилжүүлэг 30.6 тэрбум төг буюу 4.7 хувь, хөрөнгийн зардал 14.7 тэрбум төг буюу 8.3 хувиар өссөн нь голлон нөлөөлжээ.
Улсын нэгдсэн төсвийн зарлага, эргэж төлөгдөх цэвэр зээлийн нийт дүнд урсгал зардал 89.6 хувь, хөрөнгийн зардал 9.9 хувь, эргэж төлөгдөх төлбөрийг хассан цэвэр зээл 0.5 хувийг эзэлж, өмнөх оны мөн үеийнхээс урсгал зардлын эзлэх хувь 0.2 пунктээр буурч, хөрөнгийн зардлынх тогтвортой, эргэж төлөгдөх төлбөрийг хассан цэвэр зээлийнх 0.2 пунктээр өсчээ.
Монгол Улс 2015 оны эхний 4 сард дэлхийн 115 оронтой худалдаа хийж, гадаад худалдааны нийт бараа эргэлт 2486.5 сая ам.долл, үүнээс экспорт 1452.3 сая ам.долл, импорт 1034.3 сая ам.доллар байна.
Нийт бараа эргэлтийн хэмжээ өмнөх оны мөн үеийнхээс 471.8 сая ам.долл буюу 15.9 хувь, үүний дотор импортын хэмжээ 491.9 сая ам.долл буюу 32.2 хувиар буурч, харин экспортын хэмжээ 20.1 сая ам.долл буюу 1.4 хувиар өсчээ.
Гадаад худалдааны тэнцэл 2014 оны эхний 4 сард 94.0 сая ам.долларын алдагдалтай байсан бол 2015 оны эхний 4 сард 418.0 сая ам.долларын ашигтай гарчээ.

Дотоод худалдаа

Улсын хэмжээнд 2015 оны эхний улиралд нийт 60.5 мянган аж ахуйн нэгж үйл ажиллагаа явуулж байгаагийн 23.1 мянга буюу 38.2 хувь нь бөөний болон жижиглэн худалдааны салбарт үйл ажиллагаа явуулж байна. Бөөний болон жижиглэн худалдааны салбарын нийт борлуулалт 2015 оны эхний улиралд 2237.2 тэрбум төг болж, өмнөх оны мөн үеийнхээс 5.6 тэрбум төг буюу 0.3 хувиар өсчээ.