"Tаван толгой" ХК компанийн хувьцаа эзэмшигчдийн ээлжит хурлын 2015 оны 4 дүгээр сарын 24-ны өдрийн 02 дугаар тогтоолоор компанийн 2014 оны жилийн эцсийн санхүүгийн үр дүнгээс нэгж хувьцаанд 59 төгрөг буюу нийт 3.1 тэрбум төгрөгийн ногдол ашиг хуваарилахаар шийдвэрлэсэн тухай Монголын Хөрөнгийн бирж өөрийн цахим хуудсаараа дамжуулан мэдээлжээ.  Мөн тус хурлын 07 дугаар тогтоолоор 2013 оны жилийн эцсийн ногдол ашгийг нэгж хувьцаанд 200 төгрөгөөр тооцож нэмж хуваарилахаар шийдвэрлэсэн аж.

Тус компани 2013 оны цэвэр ашгаас нэгж хувьцаанд 766 төгрөг буюу нийт 40.3 тэрбум төгрөгийн ногдол ашиг олгож байсан ба 2015 оны 1 сард 2013 оны цэвэр ашгаас нэгж хувьцаанд 59 төгрөг буюу нийт 3.1 тэрбум төгрөгийн ногдол ашиг нэмж олгохоор шийдвэрлэжээ. Ингэснээр "Таван толгой"  ХК 2015 онд 2013 болон 2014 оны цэвэр ашгаас нийт 16.7 тэрбум төгрөгийн ногдол ашиг олгохоор болсон байна.