БХБ-ын сайд Д. Цогтбаатар Монгол радиогийн  "100 асуулт 100 хариулт" нэвтрүүлэгт зочноор оролцож дотоод ертөнц болоод үзэл бодлоо чөлөөтэй илэрхийлсэн сонирхолтой нэвтрүүлгийг хүргэж байна.

Тэрээр хэлэхдээ: Манай улсад зөвшилцөл, ойлголцол итгэлцэлийг бид яаж олох вэ гэдэг том асуудал байна.  Дипломат албанд ажиллаж байхдаа өөр соёлтой, өөр хэлтэй хүмүүстэй ойлголцоод харилцан илтгэлцэн зөвшилцөж ажиллаж байхад өнөөдрийн улс төр нэг хэлтэй, нэг соёлтой, нэг цустай байж ойлголцож чадахгүй, итгэлцэлгүй байгаад үнэхээр харамсдаг. Монгол улсын хөгжлийг урагш биш хойш нь татаж байгаад сэтгэл эмзэглэдэг тухайгаа ярьсан бол  "Таныг хамгийн их бухимдуулж байгаа зүйл юу вэ" гэх сэтгүүлчийн  асуултанд "Монгол улс хамгийн амжилттай хөгжих орон байтал  хамгийн удаашралтай, гацаатай замд орчоод байгаад би бухимдаж байна. Бид ингэж амьдрах ард түмэн биш. Сайхан амьдрах бүрэн боломж байна. Тэнгэр заяат, хөх толботой ард түмэн гэж ярих үнэн хэрэгтээ товчоо ч үйлдвэрлэж чадахгүй. Бүх юмаа гаднаас авна, уул уурхайгаас гадна бидэнд хөгжүүлээд явах өөр олон салбар байна. Мэдээж Монголыг хамгийн их дэмжээд хөтлөөд явах салбар бол уул уурхай. Үүн дээрээ түшиглээд уул уурхайгаас олсон ашгаас хуримтлал үүсгээд бусад салбаруудаа хөгжүүлэх хэрэгтэй. Ингээд бодохоор бидэнд ямар их боломж байгаа билээ.  Эзэн Чингис хаан бидэнд гайхалтай өв үлдээсэн. Бид тэр үлдээсэн өвийг 800-н жил тасралтгүй тарааж тарамдаж хаяж байна. Тэгэхэд л дэлхий дээрх хамгийн том газар нутагтай улс орны 19-д бичигдэж байна. Мөн газрын баялагаараа дэлхийд эхний 10-т жагсаж байгаа нь өвөг дээдсүүд минь  бидэнд ямар их өвийг үлдээсэн нь харагдаж байна. Ер нь бухимдах зүйл олон байна даа.  

Нэвтрүүлгийн дэлгэрэнгүйг....