Өнгөрсөн жилийн намар Хятадын Зяньсу муж дахь үйлдвэрийн паркт 3D принтерийн тусламжтайгаар барилгыг хэвлэсэн тухайгаа анх олон нийтэд цацсан билээ. Барилгыг барих гэдэг ойлголтыг халж, хэвлэх үйл ажиллагаа явуулах болно хэмээсэн Хятадуудын мэдэгдэлийн талаар нэг хэсэгтээ олон улсын хэвлэл мэдээллээр шуугисан билээ. Тэд үүнийгээ зөвхөн ярих бус хийж харуулсан бөгөөд аварга том принтерээр хэвлэсэн 5 давхар таван ширхэг байшинг дэлгэн үзүүлсэн үзэсгэлэн яармагийг зохион байгуулж байсан байна. Тэгвэл энэ багийнхан дахин шинэ байшин хэвлэх гэж буй тухай саяхнаас яригдах болов. Хэрэв энэ технологи амьдралд нэвтэрч чадвал маш их цаг хугацаа, хөрөнгө мөнгө хэмнэхээс гадна хамгийн чухал нь уг принтер зөвхөн барилгын хог хаягдлыг ашиглаж барилгыг хэвлэж чаддагаараа онцлог юм. Хуучин барилгаас гарсан хог хаягдлаа дахин боловсруулж, ашиглаж чаддаггүй манай улсад ч нэн хэрэгтэй санагдана.