Монгол улсад Үл хөдлөх хөрөнгийн чиглэлээр борлуулалт хийдэг хувь хүн, аж ахуйн нэгжүүдийн хүний нөөцийг чадавхжуулах, реалторын мэргэжлийн ур чадварыг нэмэгдүүлэх зорилготой Реалтор бэлтгэх сургалтыг Үл хөдлөх хөрөнгө зуучлагчдын нэгдсэн холбоо, МҮХАҮТ-ын дэргэдэх Үл хөдлөх хөрөнгийн арилжаа, зах зээлийн хөгжлийн зөвлөл хамтран зохион байгуулдаг уламжлалтай. Эдгээр байгууллагаас энэ удаа Реалтор бэлтгэх дунд шатны сургалтыг зохион байгуулах гэж байгаа аж. Сургалтыг үл хөдлөх хөрөнгийн зах зээлд үйл ажиллагаа явуулдаг, олон жилийн туршлагатай компаниудын удирдлагууд хөтлөн явуулах бөгөөд суралцагч нь үл хөдлөх хөрөнгийн салбар дахь борлуулалтын онцлог, практикт хэрэглэгддэг арга зүйг богино хугацаанд олж авах, үл хөдлөх хөрөнгийн салбарт ажилладаг борлуулагч нар нэг дор нэгдэж өөрсдийн туршлага, мэдлэгээс хуваалцах зэрэг давуу талтай гэнэ. Сургалтыг сонирхсон реалторууд доорх утсаар холбогдон дэлгэрэнгүй мэдээлэл авах боломжтой юм. Суралцагсдын тоо хязгаартай тул эхлэж бүртгүүлсэн 60 хүнийг сургалтанд хамруулах гэнэ.