Монгол банкны захиалгаар “Тэнхлэг зууч” ХХК-ийн сар тутам зарладаг Улаанбаатар хотын орон сууцны үнийн индексийн судалгааны 4-р сарын үр дүнг өнөөдөр танилцууллаа.
Орон сууцны үнийн индекс 4-р сард 16,5 хувь байгаа аж. Энэ нь өмнөх сарынхаас -0,7 хувиар буурсан үзүүлэлт гэнэ.  Харин оны эхэн үетэй харьцуулбал -2,0 хувь, өнгөрсөн оны мөн үетэй харьцуулбал -6,9 хувиар буурчээ. Энэхүү тооцооллыг дотор нь шинэ болон хуучин орон сууцны үнээр салгаж тооцоход үр дүн нь арай өөр гарсан байна.
Тухайлбал: Шинэ орон сууцны үнийн индекс 27.2 хувьтай гарсан бөгөөд энэ нь өмнөх сараас 0.9 хувиар өссөн үзүүлэлт юм. Харин оны эхэн үеэс 0.3 хувиар, өнгөрсөн оны мөн үетэй харьцуулбал 1.2 хувиар өссөн байна.
Тэгвэл хуучин орон сууцны үнийн индекс 10.7 хувьтай гарчээ. Энэ нь өмнөх сараас -1.9 хувиар, оны эхэн үеэс -4.7, өнгөрсөн оны мөн үеэс -11.6 хувиар буурсан үзүүлэлт гэнэ. Өөрөөр хэлбэл шинэ орон сууцны үнийн индекс бага зэргийн өсч хуучин орон сууцных буурсан байна.