Жил бүр уламжлал болгон зохион байгуулагддаг "Олон Улсын Архитектурын үзэсгэлэн" нь дэлхийн бүх архитекторуудын хувьд онцгой чухал үзэсгэлэнгийн нэг юм. Үзэсгэлэнд оролцсон бүтээлээрээ өрсөлддөг болохоор архитекторчид тэмцээний шүүгчдэд өөрийн хамгийн сайн гэсэн бүтээлээ харуулахыг зорьдог бөгөөд “Оны шилдэг” гэсэн алдар нэрийг авахыг хүсэн эрмэлздэг.

Уг шалгаруулалт нь барилгыг салбар бүрийн зориулалтын онцлог бүрээр нь ангилан хувааж шалгаруулдагаараа онцлогтой. Номинацид өрсөлдөж буй барилга бүр тухайн салбар бүртээ зохицсон шинэлэг санааг илэрхийлдэг учир шалгаруулалтаар барилгын зөвхөн гадна төрх хэлбэр, өнгө үзэмж гэхээсээ илүүтэйгээр байгаль экологид ээлтэй, цоо шинэ эрэл хайгуул хийж, хэрхэн олж тусгасныг нь харж шүүлтээ явуулдаг байна. Шилдэг архитектуртай шашны барилгын төрөлд нэр дэвшсэн Сингапур дахь Тайландын Буддын шашны цорын ганц сүмийн барилга болох “Ananda Metyarama Thai Buddhist” байгууллага”-ын бүтээн байгуулалт оны шилдэг архитектуртай сүмийн барилгаар шалгарчээ. Энэхүү сүм нь 90 жилийн түүхтэй. Энэ жил 90 жилийн ойн баяраа тэмдэглэх юм. Тус сүмийн барилгад бясалгал хийх, хүний сэтгэлийн ариусал , тайвшралыг мэдрэх, лам нарын уншлага, шашны бүхийл зан үйл хийх зэрэгт зориулсан бүтээн байгуулалт юм.  Тиймдээ ч барилгын дизайныг цагаан өнгөөр илтгэжээ.







Сүмийн хамт олон ойн баяртаа зориулан дэлхийн хаана ч байхгүй орчин үеийн шийдэлтэй шинэлэг сүмийн барилга бариулах санааг гаргаж Сингапурын архитектурын шилдэг байгууллагын нэг «Wingårdh Arkitektkontor AB » компаниар барилгын ажлыг бүхэлд нь хариуцуулж бариулах санал тавьсан байна.




Уг сүмийн барилга 2014 оны шилдэг архитектуртай шашны барилгаар шалгарчээ. Ариун сүмийн барилгын архитектурын гол
санаа нь хүний сэтгэл болоод ариун сайхан бүхнийг цагаан өнгөөр илэрхийлж, мөн барилгын дээвэр хэсгийг суврага хэлбэрээр хийж, ариун сүмийн орой хэсэгт нарны энергийг хуримтлуулах төхөөрөмж суурилуулжээ.