Зөвхөн нэг барилга байгууламж зарим тохиолодолд тухайн улс орныг төлөөлөх нь бий. Сингапурыг дэлхийд таниулдаг ийм нэгэн байгууламж бол Мarina Bay Sands зочид буудал юм. Тус тусдаа баригдсан гурван барилгын орой хэсгээр нь  завиар холбосон хэлбэр бүхий энэхү барилга 1970 оноос эхлэсэн Сингапурыг шинэчлэх төслийн хүрээнд баригджээ.

Зүүн өмнөд Азид баригдсан хамгийн тансаг зочид буудлын нэг болох энэхүү барилгыг  зургаан жилийн турш барьсан бөгөөд дээд оройн хэсгийн завины хэлбэрийг гаргахад тухайн үеийн техникийн бүхий л дэвшлийг ашигласан гэдэг. Яг энэ оройн хэсгийн ажлыг х гүйцэтгэхэд барилгын суурийг тавихаас ашиглалтанд өгөх нийт хугацааны тал хувийг зарцуулсан байдаг. Энэ хэсэгт өндөр зэрэглэлийн ресторан, гоёмсог усан сан бий.  57 давхар энэ барилгын ашиглалтанд оруулахад төгрөгөөр тооцвол 5 их наяд болсон гэсэн тооцоо байдаг гэнэ.