OSB хавтан: Олон улсын нэршил нь Oriented strand board  бөгөөд дэлхий дахинд товчилсон хэлбэрээр нь буюу OSB хэмээн нэрлэж заншсаныг манайд ч мөн адил шууд хэрэглэдэг. Иймд бид ч мөн OSB  хавтан хэмээн нэрлэхээр шийдлээ.

Энэ нь модны зоргодсыг хэрчиж шахан, хуудас хуудсаар давхарга үүсгэж түүнийгээ тодорхой даралт, температурт тусгай зориулалтын цавуугаар наан бэхжүүлсэн инженерийн хийцлэл бүхий шахмал хавтан юм.
Энэхүү хавтангийн гадаргуу нь жигд бус байх бөгөөд  2.5 Ч 15 см (1" Ч 6") хэмжээтэй байна. Харин хэрэглэгчийн  хүсэлтээс шалтгаалан  төрөл бүрийн зузаантай байж болдог.
 
Энэхүү хавтанг барилгын хана, шал хийхэд түгээмэл ашиглах бөгөөд  гадна хананд давхарлаж хийх нь эрчим хүчний хэрэглээг бууруулдаг. Мэдээж  энэхүү хавтанг  төрөл бүрийн тавилга хийхэд ашиглаж болно. 
OSB хавтанг дотор нь ангилдаг.  Тухайлбал:

OSB2 нь хуурай сэрүүн уур амьсгалтай цаг агаарт ашиглахад илүү тохиромжтой бөгөөд өндөр нягтралтай байдгаараа давуу талтай.
Харин  OSB3 нь чийгтэй нөхцөлд ашиглахад тохиромжтой байдаг. Модон хүрээтэй байшин, хавтгай болон босоо налуу дээвэр, ханын бүрээс, шал, зөөврийн барилга, хөдөө аж ахуйн үйлдвэрлэлийн барилгад ашиглахад илүү тохиромжтой.

Үйлдвэрлэлийн явцад хэрэглээнээс шалтгаалаад хавтангийн зузаан, хэмжээ, хүчин чадал,  өөр өөр байна. Энэхүү хавтан нь агаар, салхи нэвтэрдэггүй, усны хамгаалалтай хэдий ч гадна хана, дээврийн хэсэгт хэрэглэхэд ус нэвтэрдэггүй цаасыг давхар ашиглах зайлшгүй шаардлагатай байдаг. Тиймээс барилгын гадна бүрээс болгон ашиглаж болохгүй.
Тухайн бүтээгдэхүүний эцсийн үр дүн нь фанертэй төстэй боловч илүү хямдхан мөн фанераас илүү даац сайтай байдаг нь давуу тал болдог.
OSB нь байгалийн мод шиг байнга үртэс гараад байхгүй ч маш бат бөх дагуу тэнхлэгтэй. Энэ нь тухайн хавтанг ашиглах явцад илүү мэдэгддэг.  

Бүх төрлийн модны адил  зүсэж, өөрийн хэрэгцээнд  тохируулан бэлтгэж болно. 
Зарим хавтан үйлдвэрлэгчид  морин шоргоолж, цох зэрэг шавьжны хор болоод чийг,  хөгцнөөс сэргийлж химийн нэмэлтүүд хийж боловсруулан гаргадаг. Тэрхүү шавьжны  хор нь хөхтөн амьтанд хор хөнөөлгүй байдгаараа давуу талтай.  


OSB хавтанг ерөнхийд нь доорх байдлаар ангилдаг байна.

Хийх аргачлал

Доорх өгүүлэх аргачлал нь хялбаршуулсан байдлаар бичсэн болохыг дурдах нь зүйтэй. ийм ч учраас нарийн технологийг дурдаагүй болно. OSB хавтан нь модны зоргодсуудыг тусгай зориулалтын цавуугаа өндөр даралтад наасан байдаг тухай дээр дурдсан. Ерөнхийдөө хавтанг хийхдээ зоргодсуудыг хөндлөн чиглэлд өргөн дэвсгэр дээр тараан тавьж, лав болон синтетик давирхайн цавуугаар бат бөх болгоно.  95% мод, 5% нь лав ба давирхай байдаг. Дараа нь зоргодсуудыг эсрэг чиглэлд мөн давирха цавуугаар бат бөх болгож нягтруулна. Энэ мэт байдлаар хэдэн ч удаа давхарлаж болох бөгөөд бэлэн болсон хавтанг халаагчинд хийж  хавтангийн үртэсийг бүрхсэн давирхайг хатаахын тулд шахалт өгч халаана. Ингэсэний дараа хавтанг зориулсан хэмжээний дагуу огтолж хэрэглэнэ.
Бүрэн гүйцэд дууссан давхарга бүхий хавтан нь ихэнхдээ 15 мм-ээс 15 см-ийн мөн зузаантай байдаг бөгөөд үүнээс ч зузаан байж болдог.
Дэлхий дээрх сайн чанарын ихэнх OSB хавтанг Америкийн Нэгдсэн Улс болон Канадын том үйлдвэрт хийдэг бөгөөд хамгийн их хүчин чадалтай үйлдвэрт өдөрт сая гаруй хавтгай дөрвөлжин метр OSB хавтанг гаргаж авдаг байна. Түүнчлэн энэ чиглэлийн том үйлдвэрлэгч оронд манай өмнөд хөрш ч орно.