2018 оны өвлийн олимпын зочид “Тэнгэрийн цэцэрлэг”-т тухална
2018 оны Өвлийн олимп БНСУ-ын Канвон мужийн Пёнчан хотод болно. БНСУ өмнө нь зуны олимпыг Сөүл хотноо зохион байгуулж байсан. Харин түүхэндээ анх удаа өвлийн олимп хүлээн авах болж байна. Олимпийн арга хэмжээ төлөвлөгөө ёсоор 2018 оны хоёрдугаар сарын 9-нд эхлэх бөгөөд тэмцээн, уралдаанууд нийт 13 цэнгэлдэх, талбайд болох ажээ.
Өргөн уудам газар нутагтай энэ бүс нутгийн 84 хувь нь уулархаг ба далайн түвшнээс дээш 750 метрийн өндөрлөгт оршдог. Чийглэг, дулаан уур амьсгалтай энэ газрын хуурай, сэрүүн өвөл удаан хугацаанд үргэлжилдэг. “Сеораксан” уулын өмнөд хэсэгт уулчид очдог гэдгээрээ алдартай бол 1,47 километр урт үргэлжлэх “Алпенсиа” хэмээх цанын бааз нь жилийн турш нээлттэй байдаг.
Өмнөд солонгосчууд өвлийн олимпыг зорин ирэх олон улсын тамирчид, жуулчдад зориулж зочид буудал, концертын танхим, бусад дэд бүтцийн ажлуудыг аль хэдийнээс хийгээд эхэлсэн бөгөөд үүний жишээ болгож нэгэн гайхалтай байгууламжийн төслийг танилцуулахаар бэлтгэлээ. “Тэнгэрийн цэцэрлэг” нэртэй энэхүү барилгын зураг төслийг “Planning Korea Designs” компани гаргажээ. Тус байгууламжийн дизайн мушгирсан аварга том могойг санагдуулам бөгөөд дээврийн налууг дагуулан ургамал мод тариалах гэнэ.
Зочид буудлын зориулалтаар баригдах тус барилга нь Пёнчан хотын аялал жуулчлалыг хөгжүүлэхэд ихээхэн түлхэц болох төдийгүй өвлийн олимпын үеэр зочлон ирэх зочид төлөөлөгчдийн хувьд эв нэгдлийн бэлгэ тэмдэг болох ажээ. Зочид буудал нь далайн эргийн үзэсгэлэнт газар байрлах бөгөөд зочид уул, усны аль алиныг нь тольдож, наран шарлагын газар тухлах боломжтой.
Өвлийн олимпийн үеэр Пёнчан хотод хүрэлцэн ирэх олон улсын баг тамирчид, зочид төлөөлөгч, жуулчдын тоог урьдчилан тооцоолсны үндсэн дээр зочид буудлын барилгыг 29.493 хавтгай дөрвөлжин метр талбайг хамарч сунаж тогтсон, 946 өрөөтэй байхаар төлөвлөжээ. Зочид буудлын гадна талбайд далайн эрэгтэй нийлсэн усан сан, эргэн тойронд нь мөнх ногоон ургамал модод тарьж ургуулсан байна.
Барилгын гадна фасадыг толь шиг материалаар өнгөлж өгөх учир байгалийн гэрлийг ойлгон холоос ч гэрэлтэж үзэгдэх аж. Мэдээж барилгын доод давхарт асар том LED дэлгэцүүдийг суурилуулах болно. Давхар тус бүрт налууг дагуулан өвсөн шал, мод бүхий бяцхан цэцэрлэг байгуулах бөгөөд энэ нь зочдод байгаль дунд байгаа мэт сэтгэгдэл төрүүлж, тайван амарч тухлахад туслах юм.
Өргөн уудам газар нутагтай энэ бүс нутгийн 84 хувь нь уулархаг ба далайн түвшнээс дээш 750 метрийн өндөрлөгт оршдог. Чийглэг, дулаан уур амьсгалтай энэ газрын хуурай, сэрүүн өвөл удаан хугацаанд үргэлжилдэг. “Сеораксан” уулын өмнөд хэсэгт уулчид очдог гэдгээрээ алдартай бол 1,47 километр урт үргэлжлэх “Алпенсиа” хэмээх цанын бааз нь жилийн турш нээлттэй байдаг.
Өмнөд солонгосчууд өвлийн олимпыг зорин ирэх олон улсын тамирчид, жуулчдад зориулж зочид буудал, концертын танхим, бусад дэд бүтцийн ажлуудыг аль хэдийнээс хийгээд эхэлсэн бөгөөд үүний жишээ болгож нэгэн гайхалтай байгууламжийн төслийг танилцуулахаар бэлтгэлээ. “Тэнгэрийн цэцэрлэг” нэртэй энэхүү барилгын зураг төслийг “Planning Korea Designs” компани гаргажээ. Тус байгууламжийн дизайн мушгирсан аварга том могойг санагдуулам бөгөөд дээврийн налууг дагуулан ургамал мод тариалах гэнэ.
Зочид буудлын зориулалтаар баригдах тус барилга нь Пёнчан хотын аялал жуулчлалыг хөгжүүлэхэд ихээхэн түлхэц болох төдийгүй өвлийн олимпын үеэр зочлон ирэх зочид төлөөлөгчдийн хувьд эв нэгдлийн бэлгэ тэмдэг болох ажээ. Зочид буудал нь далайн эргийн үзэсгэлэнт газар байрлах бөгөөд зочид уул, усны аль алиныг нь тольдож, наран шарлагын газар тухлах боломжтой.
Өвлийн олимпийн үеэр Пёнчан хотод хүрэлцэн ирэх олон улсын баг тамирчид, зочид төлөөлөгч, жуулчдын тоог урьдчилан тооцоолсны үндсэн дээр зочид буудлын барилгыг 29.493 хавтгай дөрвөлжин метр талбайг хамарч сунаж тогтсон, 946 өрөөтэй байхаар төлөвлөжээ. Зочид буудлын гадна талбайд далайн эрэгтэй нийлсэн усан сан, эргэн тойронд нь мөнх ногоон ургамал модод тарьж ургуулсан байна.
Барилгын гадна фасадыг толь шиг материалаар өнгөлж өгөх учир байгалийн гэрлийг ойлгон холоос ч гэрэлтэж үзэгдэх аж. Мэдээж барилгын доод давхарт асар том LED дэлгэцүүдийг суурилуулах болно. Давхар тус бүрт налууг дагуулан өвсөн шал, мод бүхий бяцхан цэцэрлэг байгуулах бөгөөд энэ нь зочдод байгаль дунд байгаа мэт сэтгэгдэл төрүүлж, тайван амарч тухлахад туслах юм.
