Дани улсын “Данфосс” болон “Эй Жи Зэт” компани зураг төсөл, барилгын компаниудын инженер, техникийн ажилтнуудын дунд сургалт семинарыг 2015 оны 8 дугаар сарын 4-ний өдөр хамтран зохион байгууллаа.

     Энэхүү сургалт семинарын сэдэв нь “Данфосс” компанид үйлдвэрлэгддэг эрчим хүчний хэмнэлтэт тоног төхөөрөмжийг дулаан хангамж, халаалтын системд хэрхэн үр дүнтэй ашиглах, угсарч суурилуулах талаар байсан.

     Үүнд, шалны халаалтын тоног төхөөрөмж түүний дагалдах хэрэгслүүд, температур тохируулах хаалт, баланслагч хаалт, ган бөмбөлгөн хаалт, дулааны эрчим хүчний хамгийн сүүлийн үеийн тоног төхөөрөмж болох шинэ загварын ялтаст дулаан солилцуурыг /XGF/ дулаан хангамжийн системд хэрхэн үр дүнтэй, хэмнэлттэйгээр ашиглах тухай ойлголтыг холбогдох мэргэжилтнүүдэд нь өгөх үүднээс уг сургалтыг зохион байгуулжээ.

     Түүнчлэн сонголт тооцоолол, арга зүй, бүтээгдэхүүний техникийн үзүүлэлт гэсэн сэдвүүд семинарт багтсан байна.