Өнөөдөр НЗДТГ-т Гэр хорооллын дахин төлөвлөлтийн төслийн удирдах хорооны 11 дүгээр хуралдаан боллоо. Тус хурлаар долоон асуудал авч хэлэлцнээс нэгийг нь хойшлуулсан юм. Үүнээс онцлох хэдэн асуудлыг дурдъя. Эхний шийдвэрлэгдсэн асуудал Цагаан хуаран консалтинг ХХК болон Зургаан талт ХХК гэр хорооллын дахин төлөвлөлтийн хүрээнд хийгдэх инженерийн шугам сүлжээний зураг төсөл боловсруулахад шаардагдах хөрөнгө авахаар боллоо. Өөр нэг баталсан асуудал нь БЗД-ийн 13, 14 дүгээр хорооны нутаг дэвсгэрт гэр хорооллын дахин төлөвлөлтийн төсөл хэрэгжүүлж байгаагаас “З” талбайн иргэдтэй зөвшилцөж чадаагүйн улмаас тус компани энэ хэсгийн газарт төсөл хэрэгжүүлэхээс татгалзсан байна. Тодруулбал, “З” хэсгийн газар өмчлөгчид “Баян зүрх нөхөрлөл” хэмээх иргэдийн төлөөлөл үүсгэн, 1м²-ыг 250 мянган төгрөгөөр үнэлсэнийг 400 мянга болгох хүсэлтэй байгаагаа илэрхийлж байгаа аж. Тиймээс Цагаан хуаран консалтинг энэ хэсгийн газраас түдгэлзэх хүсэлт өргөн барьсан байна.
Цагаан хуаран консалтинг ХХК-ын захирал П.Ганзоригийн хэлж буйгаар, “Одоогийн байдлаар “З” хэсгийн газраас гурван айлын газрыг чөлөөлөн нийт 600 гаруй сая төгрөгөөр 500м² газрыг худалдан авсан. “Баян зүрх нөхөрлөл” бидний нэр төрд удаа дарааллан халдах болсон тул энэ хэсгийн газраас түдгэлзмээр байна.” гэлээ. Харин НИТХ-ын дарга Д.Баттулга : “Иргэдтэй би дахин уулзана. Одоо иргэдийн үнэлсэн үнэлгээ зах зээлийн ханштай нийцэхгүй байна. Хэрэв Цагаан хуаран консалтинг татгалзвал дахин компани сонгон шалгаруулах, зураг төслөө гаргах гээд хамгийн багадаа 2-3 жилээр хойшилох болно.” гэлээ.
Тухайн иргэдийн үнэ нэмэх болсон шалтгаан нь БЗД-ийн 12 хорооны нутаг дэвсгэрийн м²-ийн үнийг 400 мянган төгрөгөөр үнэлсэнтэй холбоотой гэнэ. Ингээд ГХДТ-ийн төслийн удирдах хорооны зүгээс тухайн газрын иргэдийг дахин ятгахаар боллоо.

Цагаан хуйран консалтинг ХХК захирал П.Ганзориг