Өнгөөр хүмүүст нөлөөлж, сэтгэл хөдлөлийг өдөөн, дурсамжийг сэргээнэ гэдэг нь зөвхөн зураачдын зэвсэг биш юм. Эрдэмтэд, сэтгэл судлаачид, зураг төсөл гаргагчид, зохиолчид бүгдээрээ өнгө гэдэг зүйлээр бусдын анхаарлыг татаж байдаг. Өнгө сонголт гэдэг бол бусдын сэтгэлийг татаж, асар хүчтэй нөлөөг үзүүлэхээр зорьж буй архитекторуудын хувьд ч гол зэвсэг нь мөн.

     Тэгвэл архитекторуудын гарын авлага болохуйц мэдлэг мэдээллийг агуулсан DETAIL Practise “Colour” номыг Аксел Буэтер гаргажээ. Тус ном нь дизайны үйл явц дахь өнгийг зөв хослуулах санаануудыг хөгжүүлэхийн тулд өнгөний онол, өнгөний үндсэн ойлголтоор дамжуулан өнгөний нийлэмжийн хуулийг гаргаж буй архитекторуудын бүтээл нэг бүрт хийсэн дүгнэлт, туршлагын талаар өгүүлдэг аж.

     Номны онолын хэсэгт дэлхийн улс ба хотууд дахь өнгө, өнгөний соёлын талаарх түүхэн ажиглалт, өнгөний гол ач холбогдол, өнгө төлөвлөлт болон өнгөний тогтолцооны талаар багтаасан байна. Олон улсын хэмжээний томоохон төслүүдийн интерьер ба экстерьер дэх өнгө ашиглалтын хэд хэдэн жишээгээр өнгөний дизайны амжилттай хийгдсэн тохиолдлуудыг тодотгон харуулж, уншигчдын бүтээлд дэмжлэг үзүүлэх нь уг номны гол зорилго гэдгийг зохиогч нь онцолсон байна.

     Өнгөний талаарх мэдлэгээ дээшлүүлж, судалгаа хийхийг хүссэн архитеторчдод хандан мэдэгдэхэд, DETAIL Practise “Colour” номыг захиалахыг хүсэгчид дараах мэдээллийг ашиглах боломжтой аж.

Author: Axel Buether
August 2014
120 pages with numerous drawings and photos
Format 21 x 29,7 cm
ISBN 978-3-95553-208-6