Барилга, Хот байгуулалтын сайдын 2015 оны 126 дугаар тушаалаар “Барилга, байгууламжийн зураг төсөлд магадлал хийх үйл ажиллагааг зохицуулах журам” 6 дугаар сарын 5-ны өдөр батлагдсан. Журам энэ оны 7 дугаар сарын 1-ний өдрөөс хэрэгжиж эхэлсэн юм.

     Барилга байгууламжийн зураг төсөлд магадлал хийх, гүйцэтгэх хугацаа, магадлал хийхэд тавигдах шаардлага болон эх загвар /эскиз/, ажлын зураг бүрдэл, мэдээллийн сан үүсгэх, тэдгээрийг хадгалах ажлуудын үйл ажиллагааг зохицуулах зорилгоор дээрх журмыг баталжээ.

     Ингэхдээ, Монгол Улсын Засгийн газрын тухай хуулийн 24 дүгээр зүйлийн 2, Барилгын тухай хуулийн 6 дугаар зүйлийн 6.1.2, Засгийн газрын 2009 оны 204 дүгээр тогтоолоор батлагдсан “Барилга байгууламжийн зураг төсөл боловсруулах, зөвшилцөх, магадлал хийх дүрэм”, Зам тээвэр, Барилга хот байгуулалтын сайдын 2010 оны 121 дүгээр тушаалыг тус тус үндэслэжээ.

     Журмыг бүрэн эхээр нь http://legal.barilga.mn/law/342 холбоосоор татан авах боломжтой.