Өнгөрсөн хоёр жилийн хугацаанд хүлээгдсэн Барилгын материалын үйлдвэрлэл, технологийн паркын шав тавих ёслол энэ намар болох нээ. Өнөөдөр Налайхын барилгын материал үйлдвэрлэл, технологийн паркыг санаачлагчид болон дэмжигч албан байгууллагын 30 гаруй компаний төлөөлөл оролцсон хэлэлцүүлэг болж өндөрлөлөө. Тус хэлэлцүүлэгт паркын бүтээн байгууллалтын ажлын танилцуулга, паркд байрших үйлдвэрүүдийг хэрхэн сонгон шалгаруулах тухай яригдсан юм. Эхний ээлжинд 2016 оны дотор дэд бүтэцийн бүтээн байгуулалт хийгдэж дуусна. Дараа жилээс нь үйлдвэрүүдийн бүтээн байгууллалтын үе шат эхлэх юм.
       Өнөөдрийн байдлаар барилгын материалын импорт 60 хувьтай байгаа бол уг парк ашиглалтанд орсноор импорыг 30 хувь болгон бууруулах тооцоотой байна. Хамгийн гол нь паркд үйл ажиллагаагаа явуулах аж ахуй нэгж, эрүүл мэнд, байгаль орчинд сөрөг нөлөөгүй, шинжлэх ухааны дэвшилтэт технологийг нэвтрүүлсэн барилгын материал байх ёстой гэсэн босго тавьж байна. Нарийвчилсан судалгаанаас үзвэл парк ашиглалтанд орсноор 2020 онд дотоодын барилгын материалын үйлдвэрлэл 1,78 дахин өснө, 1500 гаруй ажлын байр шинээр бий болно, барилгын өртөг буурна, хотын төвлөрөл багасна, Налайх дүүрэг хот болон хөгжих эдийн засгийн суурь тавигдана гээд олон давуу тал үүсэх юм.







Илүү дэлгэрэнгүйг доорх хаягаа харна уу.
http://nalaikhpark.mn/