Үл хөдлөх хөрөнгийн судалгаа, менежментийн “Real Properties Ulaanbaatar” компаниас сар тутам эрхлэн гаргадаг “УЛААНБААТАР ХОТЫН ҮХХ-ИЙН ЗАХ ЗЭЭЛИЙН 07 САРЫН СУДАЛГАА”-г цувралаар хүргэж байна.

     Тус тойм судалгааны 2-р бүлэг болох “Хуучин орон сууцны зах зээл”-ийг танилцуулъя. 2015 оны 1-7 дугаар сар хүртэлх 1-4 өрөө хуучин байрны дундаж үнийг харьцуулж үзэхэд байрны үнэ дараалан буурсан гэдгийг тоймч онцолжээ.

     7 дугаар сард хуучин орон сууцны нийт 394 түүвэрт хүчин зүйлийн шинжилгээ хийж үзэхэд тухайн байрны ашиглалтанд орсон он, агаарын бохирдлын түвшин, байршил, барилгын нийт давхар, тухайн байрны байрлах давхар, мөн хамгийн дээд давхарт байрладаг эсэх зэрэг нь орон сууцны үнэд тодорхой хэмжээгээр нөлөөлсөн гэж судлаачдын зүгээс дүгнэсэн байна.