Энэхүү Ливан Цэргийн музей нь тус улсын Бейрут тосгонд байрладаг. Батлан Хамгаалах Яамны хажууд байрладаг уг музейн цамхгийг жинхэнэ танк болон бусад тээврийн хэрэгсэл, их бууг оролцуулан хийсэн бетон давхаргын хооронд хавчуулан урласан юм. Тус хөшөө нь хуягласан барилга мэт харагддаг бөгөөд үүнийг 5000 тонн жинтэй, 30 метр өндөр, 78 тээврийн хэрэгсэл оролцуулан бүтээжээ. 1995 онд Францаас гаралтай Америкийн уран бүтээлч Арманд Фернандез "Энх тайвны төлөөх найдвар" гэсэн утгыг агуулан бүтээсэн байдаг. Фернандезт энэхүү танктай хөшөөний санаа олон жилийн өмнө төрсөн гэдэг.

     “Тусгаар тогтнол” сонины мэдээлснээр, тэрбээр анх 1970-аад оны эхээр Германы “D” өдрийн баярын үеэр Штрасбург хотод өөрийн хуягласан хөшөөг санал болгож байжээ. Тэр ч байтугай АНУ-д энэхүү бүтээлээ санал болгосон ч хэтэрхий өндөр зардалтай хэмээн хүлээн аваагүй аж. Хөшөөгөө Ливаны армийн 50 жилийн ойн дээр нь танилцуулснаар Ливаны эрх баригчид хүлээн зөвшөөрсөн байна. Жил бүр зэврэлт үүссэн хуягт машинуудыг өнгөлөн далдлахын тулд будаж засдаг аж.

     Арман "Энэ бол уран баримал, энх тайвны төлөөх найдварыг илэрхийлэгч" хэмээн хэлсэн нь олон нийтэд хүлээн зөвшөөрөгджээ.