Бээжин хотын Шинэ нисэх буудлын хэсэгт багтаж буй Дэлхийн хамгийн том зорчигчийн байгууламжийн загварыг “ADP Ingenierie” компани болон “Zaha Hadid Architects” олон улсын архитектор, дизайны пүүс хамтран танилцуулж байна.

     Хятадын нийслэл хотноо байрлах Капитал Нисэх буудлаас ирэх авто замын хөдөлгөөний ачааллыг бууруулах зорилгоор “ADPI” компанийн санаачилсан төлөвлөлтөнд тулгуурлан өндөр хүчин чадал бүхий Даксинг Нисэх буудлын төслийг хэрэгжүүлэхээр болжээ.

     Хамтран ажиллаж буй дээрх хоёр компанийн зүгээс хэвлэлийнхэнд өгсөн мэдэгдэлдээ, “Эхний ээлжинд жил тутам 45 сая зорчигч хүлээн авах энэхүү шинэ байгууламж тав тухтай, тохилог төдийгүй өдөр бүр шинээр ээлжлэн ирж буй онгоц, зорчигчдоос хамаараад олон янзын чиглэлийн үйл ажиллагаа явуулах нөхцлийг бүрдүүлсэн. Мөн хэд хэдэн төрлийн тээврийн хэрэгслийг нэгтгэсэн үйлчилгээний төв нь Гаоти хурдны зам зэрэг орон нутгийн болон дотоодын төмөр замын үйлчилгээний байгууллагуудтай шууд холбогдон ажиллана. Өөрөөр хэлбэл, энэхүү Даксинг шинэ нисэх буудал нь Бээжингийн хөгжиж буй тээврийн сүлжээ болон Тянжин хот, Хэбэй муж зэрэг бүс нутгийн эдийн засгийн хөгжлийн хурдасгуурын гол түлхүүр нь болно” гэсэн байна.

     Бээжингийн Шинэ нисэх буудлын удирдлага, Орон нутгийн дизайны институтийн удирдлаган дор ажиллах дизайны баг нь Бюро Хапполд, Мотт МакДоналд, ЕС Харрис гэх гишүүдээс бүрдсэн консорциумтай өрсөлдсөн “ADPI” болон “Zaha Hadid Architects” пүүс болж байгаа юм.