Уран барилга, хөгжмийн зэмсэг хоёр төгс хосолсон бүтээл болно гэдэгт итгэхэд бэрх байж болох юм. Тэгвэл сонгодог хөгжмийн зэмсгийн гол төлөөлөл болсон төгөлдөр хуур, хийл хоёрын нэгдэл болсон гайхамшигт уран барилгыг Хятадын архитекторууд 2012 онд бүтээжээ.

Хятадын засгийн газар энэхүү барилгыг Хуаняань мужийн Анхуйд жуулчдыг татах, хотыг хөгжүүлэх зорилгоор байгуулсан байна. Архитекторууд эл барилгыг бүтээхдээ аварга том төгөлдөр хуурын дэргэд хийл хөгжмийг налуулан тавьсан байдлаар барьсан юм.

Хийл хөгжмийн хэсэгт дээш, доош явах цахилгаан шатыг байрлуулжээ. Энэ нь хөгжиж буй хотуудыг онцлон, бусад бүс нутгийнхан зорин ирэх гол хот болгон хөгжүүлэх төлөвлөгөөний нэгээхэн хэсэг аж.