Өнгөрөгч 7-р сарын сүүлчээр Төрийн Орон Сууцны Корпораци болон Бүгд Найрамдах Турк Улсын “EYG” групптэй хамтын ажиллагааны гэрээ байгуулан, гарын үсэг зурсан. Тус гэрээний дагуу эхний ээлжинд Яармагийн 4-р хорооны нутаг дэвсгэрт 1500 айлын орон сууц шинээр барихаар төлөвлөжээ. Энэхүү хорооллыг нийгмийн зорилтот бүлэгт зориулан, хямд үнээр худалдах боловч Европ стандартын дагуу чанартай гүйцэтгэхээр зорьж байгаа аж.

     Барилгын гүйцэтгэлийн ажилд шинэ дэвшилтэт технологи ашиглах бөгөөд энэ нь манай улсын барилгын салбарт багагүй хувь нэмэр оруулах чухал төсөл болно гэдэгт найдаж буйгаа хамтрагч талууд илэрхийллээ. Энэхүү хамтын ажиллагааны гэрээг байгуулахад Монгол Улсаас Бүгд Найрамдах Турк Улсын Истанбул хотноо суугаа Ерөнхий Консул Э.Мөнх-Очир тэргүүтэй албаны хүмүүс оролцсон байна.