Газар зохион байгуулалтын төлөвлөгөөнд нэмэлт өөрчлөлт орууллаа
НИТ-ийн хуралдаан болж, 2015 оны газар зохион байгуулалтын төлөвлөгөөнд нэмэлт өөрчлөлт оруулах тухай асуудлыг хэлэлцлээ. Дээрх төлөвлөгөөнд 4 чиглэлээр нэмэлт тодотгол хийх шаардлагатай байгаа аж. Үүнд:
- Хэсэгчилсэн ерөнхий төлөвлөгөөний зураг төсөл боловсруулах газрын зориулалт, байршил, хэмжээ
- Иргэнд гэр бүлийн хэрэгцээний зориулалтаар өмчлүүлэх газрын байршил, хэмжээ
- Төрийн болон төсөвт байгууллагын зайлшгүй хэрэгцээнд зориулан шинээр эзэмшүүлэх газрын зориулалт, байршил, хэмжээ
- Иргэн, аж ахуйн нэгж байгууллагад дуудлага худалдаа болон төсөл сонгон шалгаруулах зарчмаар эзэмшүүлэх, ашиглуулах газрын зориулалт, байршил, хэмжээ зэрэг багтжээ.
Улаанбаатар хотыг 2020 он хүртэл хөгжүүлэх ерөнхий төлөвлөгөөг хэрэгжүүлэх ажлын хүрээнд нийслэлийн тусгай хамгаалалттай Баянголын байгалийн цогцолбор газарт байрлах олон улсын хүүхдийн Найрамдал төвийн эзэмшлийн 1225.0 га газарт хэсэгчилсэн ерөнхий төлөвлөгөө боловсруулах, мөн ХУД-ийн ИТХ болон Засаг даргаас 258 иргэний санаачилсан “Заяа хотхон” төслийг дэмжиж нийслэлийн газар зохион байгуулалтын төлөвлөгөөнд тусгасгасан байна.
Түүнчлэн нийслэлийн 2015 оны газар зохион байгуулалтын төлөвлөгөө батлагдсанаас хойш нийслэл, дүүргийн Өмч газрын харилцааны газар, албадад 655 газар эзэмшигчээс 32.7 га газраа өмчилж авахыг хүссэн хүсэлт ирүүлсний дагуу дээрх газрыг гэр бүлийн хэрэгцээний зориулалтаар өмчлүүлэх, БЗД-ийн 17 дугаар хорооны иргэд Улиастайн голын сав газрын 4.0 га газарт “Цэцэрлэгт хүрээлэн” байгуулахаар зураг төслийг боловсруулж, зохион байгуулалтын төлөвлөгөөнд тусгуулахаар танилцуулжээ.
Түүнчлэн нийслэлийн 2015 оны газар зохион байгуулалтын төлөвлөгөө батлагдсанаас хойш нийслэл, дүүргийн Өмч газрын харилцааны газар, албадад 655 газар эзэмшигчээс 32.7 га газраа өмчилж авахыг хүссэн хүсэлт ирүүлсний дагуу дээрх газрыг гэр бүлийн хэрэгцээний зориулалтаар өмчлүүлэх, БЗД-ийн 17 дугаар хорооны иргэд Улиастайн голын сав газрын 4.0 га газарт “Цэцэрлэгт хүрээлэн” байгуулахаар зураг төслийг боловсруулж, зохион байгуулалтын төлөвлөгөөнд тусгуулахаар танилцуулжээ.