Жайн сүм Баруун Энэтхэгийн Ранакпур тосгоны Пали дүүрэгт орших Аравали уулсын  өтгөн ногоон хөндийд байрладаг. Энэтхэгийн хамгийн том бөгөөд чухал цогцолбор болсон тус сүм нь 48000 фут хавтгай дөрвөлжин талбайтай, нийт 29 танхим, 80 сүмбэр орой бүхий дээвэртэй, 1444 гантиг баганаас бүрдэнэ.
        Ранакпур Жайн Ариун сүмийг 15-р зууны үед Рана Кумбха хааны ивээл дор Дарма Шах хэмээх чинээлэг, авъяаслаг бизнесмэн эр барьж байгуулжээ. Рана Кумбха хаан түүнд ариун сүм барих газар олгоод зогсохгүй, газрын ойролцоо хот барихыг зөвлөсөн байдаг. Уг сүмийн барилга болоод хот суурин газрын барилга нэгэн зэрэг баригдаж эхэлсэн. Рана Кумбха хаан хожим нь энэхүү хотыг Ранакпур хэмээн нэрлэжээ. Сүмийг 10 сая рупигээр тавин жилийн хугацаанд барьсан хэмээн үздэг. Барилга бүхэлдээ нарийн нэхсэн тор шиг сийлбэртэй, геометрийн хэв маяг давамгайлсан байдаг. Орой хэсгийг гайхалтай урласан ба дээд бөмбөгөр суурийг сахиус шүтээнээр холбосон байна.
Жайн сүм нь хоёр зууны турш сүндэрлэж буй бишрэл хүндэтгэлийн цамхаг юм. 17-р зууны орчим Энэтхэгийн олонх бүс нутаг дайнд нэрвэгдэх үеэр сүмийг хулгайчид  тонон сүйтгэсэн аж. Ингээд хожим 20-р зуунд сэргээн засварлажээ.