“Барилга Орон Сууц 2015” үзэсгэлэн яармаг эхлэхэд ганцхан хоног үлдлээ. Барилгын салбар үүсч хөгжсөний 89 жилийн ойн баярыг тохиолдуулан тус үзэсгэлэнг 2015 оны 8-р сарын 21-нээс 23-ны өдрүүдэд Мишээл Экспо төвд уламжлал ёсоор зохион байгуулж байна.

     Нээлтийн үйл ажиллагаа 21-ний 12 цагт болох бөгөөд барилгын салбарын Төрийн болон төрийн бус байгууллага, ААН компаниудын удирдлагууд оролцоно.

     2015 оны орон сууцны үнэ ханшийг тодорхойлох, борлуулагч, худалдан авагчдыг холбох гүүр нь болсон уг яармагт төсөл хэрэгжүүлэгч, гадаад болон дотоодын барилгын материал үйлдвэрлэгч, импортлогч 120 гаруй байгууллага оролцоно. Үзэсгэлэнд ирснээр та орон сууцны 80 гаруй хотхон, хороололтой нэг дор танилцах боломжтой.

     Орон сууц захиалах, худалдан авахад төлбөрийн уян хатан нөхцөл, онцгой хямдрал урамшуулал, ипотекийн 8 хувийн зээлд хамрагдах гэх мэт олон талын боломжийг олгох болно.

    Тухайлбал, хонжворт сугалаатай, төлбөрийн нөхцлийг хөнгөвчилсөн урамшуулалт худалдаа явуулж буй “Хийморь 13”, “Elegance Luxury”, “Энхжин”, “Elizabeth”, “Ивээл”, “Саруул” хотхон, “Аман хуур 2”, “Хар Хорин” цогцолбор зэрэг төсөл хөтөлбөрүүдтэй танилцах боломжтой.

       “Миний гэр” хорооллоос “Soho Mebel” дэлгүүрийн 1,200,000 төгрөгийн тавилга сонгох, “Morning Stars Residence” хотхоноос иж бүрэн тавилга, цахилгаан бараа, “Ивээл” хотхоноос гал тогооны тавилга, ус цэвэршүүлэгч бэлгэнд авах гээд олон сюрпризийг оролцогч компаниуд барьж байна.

      Мөн төлбөрөө зуун хувь төлбөл 10 хувийн хөнгөлөлтийг “Morning Stars Residence”, үзэсгэлэнгийн өдрүүдэд 1 сая төгрөг төлөөд гэрээ хийх боломжийг “Шинэ Толгойт” орон сууцжуулах хөтөлбөр, 1 сая төгрөгийн цахилгаан бараа авах эрхийг “Шинэ Мөрөөдөл” хотхоноос худалдан авагчиддаа бэлэг болгоно.

     Үзэсгэлэнд оролцогчдын санал болгосон тансаг, бизнес, энгийн зэрэглэл гээд өргөн сонголт бүхий орон сууцны хотхонуудаас сонгох боломж нээлттэй тул та бүхнийг хүрэлцэн ирэхийг урьж байна.