Орон сууцны үнэ ханшийг тодорхойлох үзэсгэлэн яармагт хүрэлцэн ирээрэй
Өнөөдөр Мишээл Экспо Төвд нээлтээ хийсэн “Барилга Орон Сууц 2015” үзэсгэлэн яармаг ирэх амралтын өдрүүдийг дуустал үргэлжилнэ. Барилгын салбарт үйл ажиллагаа явуулж буй аж ахуйн нэгж, орон сууц худалдан авахаар сонирхож буй хэрэглэгчдийг хооронд нь холбогч гүүр нь болсон энэхүү үзэсгэлэн 8 дахь жилдээ амжилттай зохион байгуулагдаж байна.
Үзэсгэлэн яармагт барилгын материал үйлдвэрлэгч, дэвшилтэт технологи нэвтрүүлэгч, шинэ төсөл хөтөлбөр хэрэгжүүлэгч 120 гаруй аж ахуйн нэгж оролцож байна. Энд 80 гаруй энгийн, бизнес, тансаг зэрэглэлийн шинэ орон сууцны төсөл танилцуулна.
Оролцогч компаниуд иргэдийг орон сууцжуулах хөтөлбөрийн хүрээнд баригдаж байгаа болон ипотекийн 8 хувийн зээлийн нөхцөл хангасан болон хямдрал урамшуулал, төлбөрийн уян хатан нөхцөл бүхий орон сууцны худалдааг санал болгож байгаа юм.
“Барилга Орон Сууц 2015” үзэсгэлэнгийн нээлтийн ажиллагаанд хүрэлцэн ирсэн төрийн болон төрийн бус байгууллагынхны төлөөлөл оролцогч аж ахуйн нэгжүүдтэй танилцаж, үзэсгэлэнтэй холбогдуулан санал сэтгэгдлээ хуваалцсаныг хүргэе.
“Барилга.МН” Барилгын Зөвлөгөө Мэдээллийн Төвийн Удирдах зөвлөлийн дарга Г.Батсүх:
“Барилга Орон Сууц 2015” үзэсгэлэн яармагт нийтдээ 120 гаруй аж ахуйн нэгж, байгууллага оролцож байна. Үүнээс Улаанбаатар хотод баригдаж байгаа 80 гаруй хотхон хорооллыг танилцуулж байна. Үзэсгэлэнгийн үеэр орон сууц барьж байгаа компаниуд иргэддээ зориулж урамшуулал, хямдрал зарлаж байгаа. Мөн Монголын барилгын салбарт нэвтэрч байгаа дэвшилтэт техник, технологи, барилгын шинэ материалуудыг танилцуулна.
Орон сууцны үнэ сүүлийн 7 сар дараалан буурсан. Энэ нь эрэлт буурсан, иргэдийн хувьд үнэ буурна гэсэн хүлээлт бас байсан. Мөн ипотекийн урьдчилгааг 10 хувь болгохоор шийдвэрлэсэн нь иргэдэд орон сууц худалдан авах хүлээлтийг бий болгосон. Жил бүрийн 9-р сард байрны үнэ өсдөг гэдгийг бүгд мэдэж байгаа. Хөдөө орон нутгаас иргэд орж ирэх энэ үеэр орон сууц худалдан авах үйл ажиллагаа эрчимждэг учраас жилийн энэ үед үнэ өсдөг. Тийм болохоор энэ үед орон сууцны үнэ төдийлөн буурахгүй байх хандлагатай байна.
Нийслэлийн Засан Даргын орлогч С.Очирбат:
Ирэх онд бид Барилгын салбарынхаа 90 жилийн ойн баярыг тэмдэглэнэ. Энэ жил эдийн засаг саарсан, хямралтай байна гэж яригдаж байгаа ч бодит статистик тоо баримтаар 16 мянга гаруй барилгын ажил эхлүүлэх, үргэлжлүүлэх зөвшөөрөл авсан байна. 2014 онд нийслэлд 24 гаруй мянган айлын орон сууц барих зөвшөөрөл олгогдсоноос 4 мянга нь ашиглалтанд ороогүй байгаа.
Харин 2013 онд зөвшөөрөл авсан 3 мянган айлын орон сууц ашиглалтанд оржээ. Энэ бол эдийн засаг хямралтай гэгдэж буй энэ үед сонсоход маш чихэнд чимэгтэй үг юм. Нөгөө талаар намар цаг болж, хөдөө орон нутгийнхан хот руу ирдэг үе таарч байна. Оюутан, сурагчид олноороо ирдэг учраас жилийн энэ үед орон сууцны борлуулалт тодорхой хэмжээгээр өсдөг.
Барилгын Хөгжлийн Үндэсний төвийн ТУЗ-ийн дарга Г.Мягмар:
Монголын Барилгын салбарынхан жил болгоны намар Барилгачдын баярыг өргөнөөр тэмдэглэдэг. “Барилга Орон Сууц 2015” бол манай барилгын салбарын ололт амжилт, бүтээн байгуулалтыг танилцуулсан, хэрэглэгч болон үйлдвэрлэгчдийг холбох үүднээс жил бүр уламжлал ёсоор зохион байгуулагддаг үзэсгэлэн юм.
Манай барилгын салбарт авч хэрэгжүүлсэн арга хэмжээний үр дүнд энэ 2015 онд томоохон барилгын материалын үйлдвэрүүд ашиглалтанд орлоо. Үүний үр дүнд манай салбарын импортын хараад байдалд байдаг зарим барилгын материалыг бид өөрсдөө үйлдвэрлэж, импортлогч бус экспортлогч болох боломж нээгдэж байна.
Цаашид орон сууцны салбарт эрэлт, нийлүүлэлтийн тал дээр тэнцвэргүй байдал бий болсонтой холбогдуулаад саяхан Монгол Улсын Засгийн газраас тодорхой хөтөлбөрийг баталсан шийдвэр гаргасан. Та бүхний сайн мэдэж байгаачлан, ипотекийн зээлийн 30 хувийн урьдчилгаа төлдөг байсан нөхцлийг өөрчилж, 10 хувь болгон бууруулж, үлдэгдэл 20 хувьд нь засгийн газар баталгаа гаргаж өгч байхаар боллоо. Энэ үйл ажиллагаа одоо хэрэгжиж эхлэх гэж байна.
Мөн Түрээсийн орон сууцны хөтөлбөрийг засгийн газар хэрэгжүүлж эхэлж байна. Энэ хөтөлбөрийг барилгын салбарт эрэлт, нийлүүлэлтийг тэнцвэржүүлэх зорилгоор гарган, хэрэгжүүлэхээр боллоо.
Үзэсгэлэн яармагт барилгын материал үйлдвэрлэгч, дэвшилтэт технологи нэвтрүүлэгч, шинэ төсөл хөтөлбөр хэрэгжүүлэгч 120 гаруй аж ахуйн нэгж оролцож байна. Энд 80 гаруй энгийн, бизнес, тансаг зэрэглэлийн шинэ орон сууцны төсөл танилцуулна.
Оролцогч компаниуд иргэдийг орон сууцжуулах хөтөлбөрийн хүрээнд баригдаж байгаа болон ипотекийн 8 хувийн зээлийн нөхцөл хангасан болон хямдрал урамшуулал, төлбөрийн уян хатан нөхцөл бүхий орон сууцны худалдааг санал болгож байгаа юм.
“Барилга Орон Сууц 2015” үзэсгэлэнгийн нээлтийн ажиллагаанд хүрэлцэн ирсэн төрийн болон төрийн бус байгууллагынхны төлөөлөл оролцогч аж ахуйн нэгжүүдтэй танилцаж, үзэсгэлэнтэй холбогдуулан санал сэтгэгдлээ хуваалцсаныг хүргэе.
“Барилга.МН” Барилгын Зөвлөгөө Мэдээллийн Төвийн Удирдах зөвлөлийн дарга Г.Батсүх:
“Барилга Орон Сууц 2015” үзэсгэлэн яармагт нийтдээ 120 гаруй аж ахуйн нэгж, байгууллага оролцож байна. Үүнээс Улаанбаатар хотод баригдаж байгаа 80 гаруй хотхон хорооллыг танилцуулж байна. Үзэсгэлэнгийн үеэр орон сууц барьж байгаа компаниуд иргэддээ зориулж урамшуулал, хямдрал зарлаж байгаа. Мөн Монголын барилгын салбарт нэвтэрч байгаа дэвшилтэт техник, технологи, барилгын шинэ материалуудыг танилцуулна.
Орон сууцны үнэ сүүлийн 7 сар дараалан буурсан. Энэ нь эрэлт буурсан, иргэдийн хувьд үнэ буурна гэсэн хүлээлт бас байсан. Мөн ипотекийн урьдчилгааг 10 хувь болгохоор шийдвэрлэсэн нь иргэдэд орон сууц худалдан авах хүлээлтийг бий болгосон. Жил бүрийн 9-р сард байрны үнэ өсдөг гэдгийг бүгд мэдэж байгаа. Хөдөө орон нутгаас иргэд орж ирэх энэ үеэр орон сууц худалдан авах үйл ажиллагаа эрчимждэг учраас жилийн энэ үед үнэ өсдөг. Тийм болохоор энэ үед орон сууцны үнэ төдийлөн буурахгүй байх хандлагатай байна.
Нийслэлийн Засан Даргын орлогч С.Очирбат:
Ирэх онд бид Барилгын салбарынхаа 90 жилийн ойн баярыг тэмдэглэнэ. Энэ жил эдийн засаг саарсан, хямралтай байна гэж яригдаж байгаа ч бодит статистик тоо баримтаар 16 мянга гаруй барилгын ажил эхлүүлэх, үргэлжлүүлэх зөвшөөрөл авсан байна. 2014 онд нийслэлд 24 гаруй мянган айлын орон сууц барих зөвшөөрөл олгогдсоноос 4 мянга нь ашиглалтанд ороогүй байгаа.
Харин 2013 онд зөвшөөрөл авсан 3 мянган айлын орон сууц ашиглалтанд оржээ. Энэ бол эдийн засаг хямралтай гэгдэж буй энэ үед сонсоход маш чихэнд чимэгтэй үг юм. Нөгөө талаар намар цаг болж, хөдөө орон нутгийнхан хот руу ирдэг үе таарч байна. Оюутан, сурагчид олноороо ирдэг учраас жилийн энэ үед орон сууцны борлуулалт тодорхой хэмжээгээр өсдөг.
Барилгын Хөгжлийн Үндэсний төвийн ТУЗ-ийн дарга Г.Мягмар:
Монголын Барилгын салбарынхан жил болгоны намар Барилгачдын баярыг өргөнөөр тэмдэглэдэг. “Барилга Орон Сууц 2015” бол манай барилгын салбарын ололт амжилт, бүтээн байгуулалтыг танилцуулсан, хэрэглэгч болон үйлдвэрлэгчдийг холбох үүднээс жил бүр уламжлал ёсоор зохион байгуулагддаг үзэсгэлэн юм.
Манай барилгын салбарт авч хэрэгжүүлсэн арга хэмжээний үр дүнд энэ 2015 онд томоохон барилгын материалын үйлдвэрүүд ашиглалтанд орлоо. Үүний үр дүнд манай салбарын импортын хараад байдалд байдаг зарим барилгын материалыг бид өөрсдөө үйлдвэрлэж, импортлогч бус экспортлогч болох боломж нээгдэж байна.
Цаашид орон сууцны салбарт эрэлт, нийлүүлэлтийн тал дээр тэнцвэргүй байдал бий болсонтой холбогдуулаад саяхан Монгол Улсын Засгийн газраас тодорхой хөтөлбөрийг баталсан шийдвэр гаргасан. Та бүхний сайн мэдэж байгаачлан, ипотекийн зээлийн 30 хувийн урьдчилгаа төлдөг байсан нөхцлийг өөрчилж, 10 хувь болгон бууруулж, үлдэгдэл 20 хувьд нь засгийн газар баталгаа гаргаж өгч байхаар боллоо. Энэ үйл ажиллагаа одоо хэрэгжиж эхлэх гэж байна.
Мөн Түрээсийн орон сууцны хөтөлбөрийг засгийн газар хэрэгжүүлж эхэлж байна. Энэ хөтөлбөрийг барилгын салбарт эрэлт, нийлүүлэлтийг тэнцвэржүүлэх зорилгоор гарган, хэрэгжүүлэхээр боллоо.