Монгол Улсад Барилгын салбар үүсч хөгжсөний 89 жилийн ойн баярыг тохиолдуулан зохион байгуулагдаж буй “Барилга Орон Сууц 2015” үзэсгэлэн яармаг Мишээл Экспо төвд үргэлжилж байна.

     “Бүтээн Байгуулагчдаа Дэмжье” уриан дор явагдаж буй тус үзэсгэлэнд барилгын материалын үйлдвэрлэл, дэвшилтэт технологи нэвтрүүлэгч, шинэ орон сууцны төсөл хэрэгжүүлэгч зэрэг нийт 120 гаруй буй аж ахуйн нэгж оролцож байгаа юм.

     Үзэсгэлэнд хүрэлцэн ирснээр иргэдийг орон сууцжуулах хөтөлбөр, гэр хорооллын дахин төлөвлөлтийн хүрээнд баригдаж буй энгийн, бизнес, тансаг зэрэглэлийн шинэ төслүүд, амины орон сууц, ипотекийн зээлийн 10 хувийн урьдчилгаа болон 8 хувийн зээлд хамрагдах боломжтой шинэ байрны талаарх цогц мэдээллийг нэг дороос авах боломжтой.

     Мөн зөвхөн үзэсгэлэнгийн өдрүүдэд хямдрал урамшуулал зарлаж, орон сууц захиалсан худалдан авагчиддаа онцгой бэлэг, сюрприз барьж буй аж ахуйн нэгжүүд цөөнгүй оролцож байна.

     2015 оны намрын орон сууцны үнэ ханшийг тодорхойлж, иргэд болон компаниудын хоорондын харилцааг холбогч гүүр нь болж буй “Барилга Орон Сууц 2015” үзэсгэлэн өнөөдөр 18 цаг хүртэл үргэлжлэх тул та бүхэн яараарай.