Танай гэр бүлийн цахилгааны төлбөр өндөр гараад байна уу? Тэгвэл дараах бяцхан зөвлөгөөг хэрэгжүүлээд үзээрэй.

Цахилгаан хэрэгслээ салгаж орхи
Тэжээлээс  залгуураар нь салгаагүй улаан гэрэл нь ассан тохиргоонд байгаа цахилгаан хэрэгсэл 14 цаг тутамд 1 кВт/цаг цахилгаан эрчим хүч зарцуулдаг байна.
Тэгвэл 1кВт/цаг цахилгаанаар юу хийж болох вэ?
- Зурагт 8 цаг
- Индүү 22 минут
- Ус буцалгагч 2 минут
- Цахилгаан зуухаар 12 удаа хоол халаах
- 285 ширхэг утас цэнэглэх
- Бүрэн автомат угаалгын машинаар 1 удаа хувцас угаах
- Суурин компьютер  4цаг
- Тоос сорогч 45 минут тус тус ашиглах хэмжээний цахилгаан эрчим хүчийг үр дүнгүй алддаг байна.
 Таны сард төлөх ёстой цахилгааны төлбөр дээр  энэхүү үр ашиггүй хэрэглээний мөнгө дунджаар 3000-5000 төгрөгөөр нэмэгддэг. Цахилгаан хэрэгслүүдээ  залгуураар нь бүрэн салгаснаар тодорхой хэмжээний зардлаа хэмнээд зогсохгүй цахилгаанаас үүдэлтэй галын аюулаас өөрсдийгөө хамгаалах бүрэн боломжтой юм.
Гэрлийн чийдэнгээ зөв сонго
Мөн иргэдийн нэрлэдгээр сүүн гэрлийн 20 вт нь хуучны орос чийдэнгийн 100 вт-тай тэнцдэг бөгөөд энэ хэмжээний сүүн гэрэл 22 кв.цаг буюу 2112 төгрөгийн зардал гаргадаг бол хуучны орос чийдэн нь 110 кв.цаг  буюу 10.560 төгрөгийн зардал гаргадаг байна.
Хөргөгч
Хөргөгчөө хэт их дүүргэж болохгүй. Хөлдөөгчний температур -18˚С, хөргөгчнийх 5˚С-ээс 2˚С-н хооронд тохируулсан үед хамгийн сайн ажиллаж эрчим хүч хэмнэдэг. Хөргөгчний ар тал болон хананы хооронд бага зэрэг зайтай байлга. Хөргөгчөө нарны гэрэл болон шарах шүүгээ/зуухнаас хол байлга.
 
Шарах шүүгээ
Юуны түрүүнд хүнсээ богино долгионы шүүгээнд гэсгээхийн оронд хөргөгч, хөлдөөгчнөөсөө эртхэн гаргаж тавиад өөрөө гэсэхийг нь хүлээ. Боломжтой бол шарах шүүгээ буюу плитканы оронд богино долгионы шарах шүүгээ ашигла. Шарах шүүгээ ашиглаж байгаа үед хоолоо болсон эсэхийг шалгахдаа шарах шүүгээнийхээ хаалгыг бүү онгойлго, шарах шүүгээний хаалгыг онгойлгох бүрд температур нь 15˚С-аар буурч байдаг.
Угаалгын машин
Угаалгын машинаа дүүргэж угааж бай, хэрэв дүүргэж угаагаагүй бол угааж буй хувцасны хэмжээнд тааруулж угаалгын циклийг нь богино болго. Хувцас хатаагч дүүрэн үедээ сайн ажилладаг. Хувцас угаах зааварт нь өөрөөр заагаагүй бол хувцсаа угаахдаа хүйтэн ус ашигла.
Гэрлээ унтраа
Унтлагын өрөө эсвэл ариун цэврийн өрөөнөөс гарахдаа гэрлээ унтрааж заншаарай. Уламжлалт гэрлийн чийдэнгээ сольж цахилгаан хэмнэдэг гэрлийн чийдэн сонго.
Компьютер
Компьютероо ашиглаагүй байх үед автоматаар "нойрсох" буюу "өөрөө унтрах горимд" тохируул. Энэ сонголт нь тодорхой заасан хугацааны (10 минут гэх мэт) дараа цахилгаан хэмнэх горим руу шилждэг бөгөөд 30 минут орчмын дараа унтарч, таны цахилгааны төлбөрийг багасгахад нэмэр болно.
Нарны гэрэл
Боломжтой үед үргэлж байгалийн гэрэл ашигла. Өдрийн цагаар гэртээ гэрэл гэгээ оруулж, дулаан хуримтлуулахын тулд хөшгөө аль болох нээлттэй байлгах хэрэгтэй. Харанхуй болохоос өмнө харин хөшгөө хааж тэр энергийг гэртээ аль болох удаан хадгал.