Сэргэлэн суманд цементийн үйлдвэр ашиглалтанд орлоо
Төв аймгийн Сэргэлэн суманд БНХАУ-ын хөрнгө оруулалттай цементийн үйлдвэр ашиглалтанд орох тухай яриа 6 жилийн өмнөөс яригдсан. Уг ажил биеллээ олж өчигдөр жилд нэг сая тонн цемент үйлдвэрлэх хүчин чадал бүхий цементийн үйлдвэрийн нэгдүгээр хэсэг ашиглалтанд орж нээлтийн ёслолыг зохион байгуулав. Ёслолын ажиллагаанд Барилга, хот байгуулалтын сайд Д.Цогтбаатар, Төв аймгийн Засаг дарга Д.Нямдорж, Бүх Хятадын цементийн холбооны дарга болон Монгол дахь Хятад улсын элчин сайдын яам, Барилгын материал үйлдвэрлэгчдийн холбоо зэрэг холбогдох байгууллагын төлөөлөгчид хүрэлцэн ирж оролцлоо.
Өдөрт 2500 тн клинкер, жилд нэг сая тн цемент үйлдвэрлэх хүчин чадалтай энэхүү үйлдвэрийг “Мөнхийн баян гал” ХХК гэх Хятадын компани барьж босгож байгаа юм. Анх 2009 онд БНХАУ-ын Улс төрийн хорооны байнгын гишүүн Хө Гүө Чиан Монгол улсад айлчлах үеэр тухайн үеийн Ерөнхий сайд С.Баяр нарын оролцоотойгоор Бүх Хятадын барилгын материал үйлдвэрлэлийн корпорацийн ТУЗ-ын дарга болон Зам, тээвэр, барилга, хот байгуулалтын сайд Х.Баттулга нар цементийн үйлдвэрийн төслийн санамж бичигт гарын үсэг зурснаар уг ажил эхлэх үндэс болжээ. Төв аймгийн Сэргэлэн сумын нутаг дахь гал тэрэгний 7-р зөрлөгийг түшиглэн баригдаж байгаа энэ үйлдвэрийн орчим хэдийнэ суурин газрыг бий болгожээ.
Нийт 326830 м/кв талбайг эзлэн орших уг үйлдвэрийн тоног төхөөрөмж байрлах хэсгүүд баригдаж дууссан. Харин ачилтын талбай, орчин тойрны тохижилт, агуулах зэрэг л хүлээгдэж байлаа.
Монгол улсад 280 гаруй ажлын байр шинээр бий болгож, улсын төсөвт дундажаар 5 сая долларын татвар төлнө хэмээн мэдэгдэж байгаа энэхүү үйлдвэрийг хэн барьж байгаа нь уншигч танд сонин байх болов уу гэх үүднээс доорх танилцуулгыг хавсаргалаа.
Хэн барив
БНХАУ-ын Барилгын материалын корпорацийн харьяа “Лян хө” /CUCC/ цементийн компани дээрх бүтээн байгуулалтыг гардан хийж байна. Тус компани нь Хонг Конгийн хөрөнгийн биржийн Н төрлийн үнэт цаасны барилгын материалын хувьцааны ихэнх хэсгийг эзэмшдэг бөгөөд төрийн өмчит цементийн групп компани гэнэ. CUCC гэх нэрээр Хятад даяар танигдсан төдийгүй 60 гаруй охин компани, 30 гаруй том оврын зуурмагийн үйлдвэртэй, жилд 100 сая тн цемент, 200м/куб сая бетон зуурмаг үйдвэрлэх хүчин чадалтай юм. Харин “Мөнхийн баян гал” ХХК нь тус группын Монгол дахь охин компани хэмээн ойлгож болно.
Өдөрт 2500 тн клинкер, жилд нэг сая тн цемент үйлдвэрлэх хүчин чадалтай энэхүү үйлдвэрийг “Мөнхийн баян гал” ХХК гэх Хятадын компани барьж босгож байгаа юм. Анх 2009 онд БНХАУ-ын Улс төрийн хорооны байнгын гишүүн Хө Гүө Чиан Монгол улсад айлчлах үеэр тухайн үеийн Ерөнхий сайд С.Баяр нарын оролцоотойгоор Бүх Хятадын барилгын материал үйлдвэрлэлийн корпорацийн ТУЗ-ын дарга болон Зам, тээвэр, барилга, хот байгуулалтын сайд Х.Баттулга нар цементийн үйлдвэрийн төслийн санамж бичигт гарын үсэг зурснаар уг ажил эхлэх үндэс болжээ. Төв аймгийн Сэргэлэн сумын нутаг дахь гал тэрэгний 7-р зөрлөгийг түшиглэн баригдаж байгаа энэ үйлдвэрийн орчим хэдийнэ суурин газрыг бий болгожээ.
Нийт 326830 м/кв талбайг эзлэн орших уг үйлдвэрийн тоног төхөөрөмж байрлах хэсгүүд баригдаж дууссан. Харин ачилтын талбай, орчин тойрны тохижилт, агуулах зэрэг л хүлээгдэж байлаа.
Монгол улсад 280 гаруй ажлын байр шинээр бий болгож, улсын төсөвт дундажаар 5 сая долларын татвар төлнө хэмээн мэдэгдэж байгаа энэхүү үйлдвэрийг хэн барьж байгаа нь уншигч танд сонин байх болов уу гэх үүднээс доорх танилцуулгыг хавсаргалаа.
Хэн барив
БНХАУ-ын Барилгын материалын корпорацийн харьяа “Лян хө” /CUCC/ цементийн компани дээрх бүтээн байгуулалтыг гардан хийж байна. Тус компани нь Хонг Конгийн хөрөнгийн биржийн Н төрлийн үнэт цаасны барилгын материалын хувьцааны ихэнх хэсгийг эзэмшдэг бөгөөд төрийн өмчит цементийн групп компани гэнэ. CUCC гэх нэрээр Хятад даяар танигдсан төдийгүй 60 гаруй охин компани, 30 гаруй том оврын зуурмагийн үйлдвэртэй, жилд 100 сая тн цемент, 200м/куб сая бетон зуурмаг үйдвэрлэх хүчин чадалтай юм. Харин “Мөнхийн баян гал” ХХК нь тус группын Монгол дахь охин компани хэмээн ойлгож болно.