Нийслэл хотод төрийн мэдлийн 120 дунд сургууль, 189 цэцэрлэг үйл ажиллагаагаа явуулдаг. Эдгээр нь бүгд үйл ажиллагаа явуулж буй барилга байшингийн багтаамжаас нэгээс хоёр дахин их ачаалтай ажилладаг байна. Үүнээс гурван ээлжээр ажилладаг сургууль 19 байгаа гэнэ. Яг одоо нийслэл хотод амьдарч байгаа бага насны хүүхдүүдийг бага сургууль, цэцэрлэгт бүрэн хамруулахад сургуулийн цэцэрлэгийн тоог нэг дахин нэмэх шаардлагатай гэсэн судалгаа ч байдаг.
    Харин энэ онд нийслэлийн төсвөөс  цэцэрлэг, бага сургуулийн цогцолборын барилга 16, цэцэрлэгийн барилга 9, Улсын төсвийн хөрөнгөөр цэцэрлэгийн барилга 15, бага сургууль цэцэрлэгийн цогцолбор 11-ийг барих гэнэ. Түүнчлэн төрийн өмчийн концесийн зүйлийн жагсаалтаар бага сургуулийн цогцолбор, цэцэрлэг 72-ыг барихаас энэ онд 30 барилгын ажлыг эхлүүлэхээр зураг төслийг ажлыг хийж байгаа юм байна.  Буулгаж барих сургуулийн барилга 7 , цэцэрлэгийн барилга 3 байна. Буулгаж барих заалттай сургуулийн барилгуудын эхнийх нь буюу гуравдугаар сургууль 9-р сарын 1-нээс өмнө ашиглалтанд орох ажээ.