Бид байшингийн дотоод засал, тавилгын сонголтын хувьд нэгэн хэвийн уламжлалт хэв маягийг ихэвчлэн сонгодог. Харин одоо танилцуулах байшингийн интерьер дизайн, тавилга хэрэгслийн сонголт нь үнэхээр өвөрмөц содон.
Specht Harpman Architects  студийн бүтээсэн уг байшин Остин нуурын эрэг дээр байрлах бөгөөд дээвэр дээр нь бяцхан цэцэрлэгт хүрээлэнтэй учир нуурын долгиог харангаа наранд биеэ шарж, амарч тухлах боломжтой.
     1970-аад онд баригдсан нуурын эргийн хуучин байшин гайхалтай шинэчилсэн байна. Хуучны уйтгартай дотоод заслыг эрс шинэчилж, дээврийг гоёмсог цэцэрлэгээр, байшингийн дотор талыг гайхалтай өнгөний хослол, том цэлгэр шилэн хананууд, сонирхолтой ураг зураг, этгээд хийцтэй тавилгуудаар чимэглэж өгчээ.
      Байшингийн талбайн ихэнхи хэсэг нийтийн зориулалттай бөгөөд үлдсэн багахан хэсэгт унтлагын өрөөг төлөвлөж өгсөн. Гал тогоо, амралтын өрөө нэг дор төлөвлөгдсөн учир дугуйтай хоолны ширээг хаана ч байрлуулж болно.