Та өдөр тутмын амьдралын хэв маягаа өөрчилж, цасанд хучигдсан уулын бэлд нам гүм хэдэн өдрийг амарч өнгөрөөхийг хүсэж байна уу? Тэгвэл одоо танилцуулах авсаархан сууц таны мөрөөдлийг биелүүлэх болно.
      Байгалийн гоо үзэсгэлэнг тохилог тав тухтай орчинтой хослуулсан энэхүү жижиг, тансаг сууц нь таны амралтын өдрүүдийг чимэх болно. Босни  Герцеговины нийслэл Сараево хотоос холгүй орших Беласника уулын ар хормой дахь цанын баазад байрладаг тус сууцнуудын загварыг “FO4A Architectur” студийн зохион бүтээгч Армин Месик гаргажээ.
     Цанын бааз, жуулчны газруудад өргөн хэрэглэгддэг өндөр өртөгтөй байр сууцтай харьцуулахад энэхүү сууц нь ердөө 24 метр квадрат талбайтай ч тав тухтай амрах орчинг бүрэн бүрдүүлж чадсан. Сууцыг барихдаа өртөг өндөртэй биш, байгалийн модон материал түлхүү ашигласан бөгөөд  модны үнэр, том шилэн цонх нь гайхалтай тайвшруулах нөлөөг үзүүлдэг. Дээд давхарт гоёмсог унтлагын өрөө, доод давхарт гал тогоо, амралтын бол ажлын талбар байрлана.
     Загварын хувьд энгийн мэт санагдавч унаган байгалийн дунд цэвэр байгалийн материалаар баригдсан дулаахан модон сууцанд жавар сэнгэсэн өвлийн өдрүүдийг тухтай өнгөрүүлэх завшааныг олгож буйн гайхалтай.