Ипотекийн зээл олголт өмнөх оны мөн үеэс 26.5 хувиар буурчээ
Монгол банк арилжааны банкуудаас ирсэн ипотекийн зээлийн тайланг нэгтгэн сар бүр тайлагнадаг уламжлалтай. Энэхүү нэгдсэн тайлан нэг сарын хоцрогдолтой гардаг бөгөөд өнгөрсөн 5-р сард ипотекийн зээл ямар байсан талаар хүргэе.
Банкууд 2015 оны 5 дугаар сард нийт 1454 зээлдэгчид 82.5 тэрбум төгрөгийн ипотекийн зээл шинээр олгосноор банкуудын ипотекийн зээлийн үлдэгдэл 3127,9 тэрбум төгрөг, нийт зээлдэгчдийн тоо 71355-т хүрчээ. Тайлант сарын эцэст банкуудын ипотекийн зээлийн үлдэгдлийн жилийн өсөлтийн хурд өмнөх сартай харьцуулахад 2.9 нэгж хувиар, оны эхнээс 14.5 нэгж хувиар, өмнөх оны мөн үеэс 107.6 нэгж хувиар буурсан байна.
Мөн тайлант сарын эцэст банкуудын ипотекийн зээлийн үлдэгдлийн 73.7 хувь буюу 2305.0 тэрбум төгрөгийг “Орон сууцны ипотекийн санхүүжилтийн тогтвортой тогтолцоог бүрдүүлэх хөтөлбөр”-ийн зээл (жилийн 8 хувийн хүүтэй зээл болон 8 хувийн хүүтэй зээлд шилжүүлсэн зээл), 24.1 хувь буюу 755.0 тэрбум төгрөгийг банкуудын өөрийн эх үүсвэрээр олгосон зээл, 2.2 хувь буюу 67.9 тэрбум төгрөгийг бусад эх үүсвэрээр олгосон зээл бүрдүүлж байна. 2015 оны 5 дугаар сарын байдлаар ипотекийн зээлийн үлдэгдлийн 98.3 хувь нь төгрөгийн зээл, 1.7 хувь нь гадаад валютын зээл байна.
Ипотекийн зээлийн үлдэгдэлд эзлэх хугацаа хэтэрсэн зээлийн хувь 2015 оны 5 дугаар сарын байдлаар 1.8 хувь, чанаргүй зээлийн эзлэх хувь 0.6 байна.
Тухайн сард олгосон ипотекийн зээл өмнөх сараас 14.2 хувиар, өмнөх оны мөн үетэй харьцуулахад 26.5 хувиар буурсан байна.
Тайлант сард шинээр олгосон зээлийн 73.9 хувь буюу 60.9 тэрбум төгрөг нь “Орон сууцны ипотекийн санхүүжилтийн тогтвортой тогтолцоог бүрдүүлэх хөтөлбөр”-ийн зээл, 26.0 хувь буюу 21.4 тэрбум төгрөг нь банкуудын өөрийн эх үүсвэрээс олгосон зээл байна.
Нэг зээлдэгчид ногдох олгосон зээлийн хэмжээ 2015 оны 5 дугаар сарын байдлаар 56.7 сая төгрөг байна.
Тухайн сард 35.8 тэрбум төгрөгийн ипотекийн зээл төлөгдсөн нь өмнөх сараас 43.7 хувиар, өмнөх оны мөн үеэс 27.0 хувиар өссөн байна.
Тайлант сард нийт 1454 зээлдэгч шинээр ипотекийн зээлд хамрагдсанаас 1017 зээлдэгч “Орон сууцны ипотекийн санхүүжилтийн тогтвортой тогтолцоог бүрдүүлэх хөтөлбөр”-ийн зээлд, 433 зээлдэгч банкны өөрийн эх үүсвэрийн зээлд, 4 зээлдэгч бусад эх үүсвэрийн зээлд хамрагдсан байна.
2015 оны 5 дугаар сарын байдлаар нийт 71355 иргэн ипотекийн зээлтэй байгаагаас 50462 нь “Орон сууцны ипотекийн санхүүжилтийн тогтвортой тогтолцоог бүрдүүлэх хөтөлбөр”-ийн зээлд, 18896 нь банкуудын өөрийн эх үүсвэрийн зээлд, 1997 нь бусад эх үүсвэрийн зээлд хамрагдсан байна.
Банкууд 2015 оны 5 дугаар сард нийт 1454 зээлдэгчид 82.5 тэрбум төгрөгийн ипотекийн зээл шинээр олгосноор банкуудын ипотекийн зээлийн үлдэгдэл 3127,9 тэрбум төгрөг, нийт зээлдэгчдийн тоо 71355-т хүрчээ. Тайлант сарын эцэст банкуудын ипотекийн зээлийн үлдэгдлийн жилийн өсөлтийн хурд өмнөх сартай харьцуулахад 2.9 нэгж хувиар, оны эхнээс 14.5 нэгж хувиар, өмнөх оны мөн үеэс 107.6 нэгж хувиар буурсан байна.
Мөн тайлант сарын эцэст банкуудын ипотекийн зээлийн үлдэгдлийн 73.7 хувь буюу 2305.0 тэрбум төгрөгийг “Орон сууцны ипотекийн санхүүжилтийн тогтвортой тогтолцоог бүрдүүлэх хөтөлбөр”-ийн зээл (жилийн 8 хувийн хүүтэй зээл болон 8 хувийн хүүтэй зээлд шилжүүлсэн зээл), 24.1 хувь буюу 755.0 тэрбум төгрөгийг банкуудын өөрийн эх үүсвэрээр олгосон зээл, 2.2 хувь буюу 67.9 тэрбум төгрөгийг бусад эх үүсвэрээр олгосон зээл бүрдүүлж байна. 2015 оны 5 дугаар сарын байдлаар ипотекийн зээлийн үлдэгдлийн 98.3 хувь нь төгрөгийн зээл, 1.7 хувь нь гадаад валютын зээл байна.
Ипотекийн зээлийн үлдэгдэлд эзлэх хугацаа хэтэрсэн зээлийн хувь 2015 оны 5 дугаар сарын байдлаар 1.8 хувь, чанаргүй зээлийн эзлэх хувь 0.6 байна.
Тухайн сард олгосон ипотекийн зээл өмнөх сараас 14.2 хувиар, өмнөх оны мөн үетэй харьцуулахад 26.5 хувиар буурсан байна.
Тайлант сард шинээр олгосон зээлийн 73.9 хувь буюу 60.9 тэрбум төгрөг нь “Орон сууцны ипотекийн санхүүжилтийн тогтвортой тогтолцоог бүрдүүлэх хөтөлбөр”-ийн зээл, 26.0 хувь буюу 21.4 тэрбум төгрөг нь банкуудын өөрийн эх үүсвэрээс олгосон зээл байна.
Нэг зээлдэгчид ногдох олгосон зээлийн хэмжээ 2015 оны 5 дугаар сарын байдлаар 56.7 сая төгрөг байна.
Тухайн сард 35.8 тэрбум төгрөгийн ипотекийн зээл төлөгдсөн нь өмнөх сараас 43.7 хувиар, өмнөх оны мөн үеэс 27.0 хувиар өссөн байна.
Тайлант сард нийт 1454 зээлдэгч шинээр ипотекийн зээлд хамрагдсанаас 1017 зээлдэгч “Орон сууцны ипотекийн санхүүжилтийн тогтвортой тогтолцоог бүрдүүлэх хөтөлбөр”-ийн зээлд, 433 зээлдэгч банкны өөрийн эх үүсвэрийн зээлд, 4 зээлдэгч бусад эх үүсвэрийн зээлд хамрагдсан байна.
2015 оны 5 дугаар сарын байдлаар нийт 71355 иргэн ипотекийн зээлтэй байгаагаас 50462 нь “Орон сууцны ипотекийн санхүүжилтийн тогтвортой тогтолцоог бүрдүүлэх хөтөлбөр”-ийн зээлд, 18896 нь банкуудын өөрийн эх үүсвэрийн зээлд, 1997 нь бусад эх үүсвэрийн зээлд хамрагдсан байна.