Сэтгэл баясгам энэхүү гайхалтай хиймэл арлыг 2008 онд байгуулж дуусчээ. Уг арал нь 100 сая хавтгай дөрвөлжин талбайтай ба элс, чулуунаас бүрддэг. Орчин  тойрны байгаль орчинтой нийцүүлэхийн  тулд далайгаас 210 сая тонн чулууг гарган авсан байна. Энэхүү төслийг хэрэгжүүлэхэд шаардагдсан чулууны хэмжээг тооцож үзвэл дэлхийн бөмбөрцгийг 3 удаа тойрох хэмжээтэй дүйцэх аж.  

2004 онд баригдсан Европ тивийн хамгийн өндөр тавцант гүүр юм. Эйфелийн цамхагаас ч өндөр буюу 342 м гэдгээрээ дэлхийд эгнэшгүй. Хамгийн өндөр цэг нь Тарн голоос дээш 270 м ажээ. Тус гүүрийг Франц болон Испанийг холбох зорилгоор барьсан байна. Зарцуулсан нийт хөрөнгийн хэмжээ 320 сая евро.

Хүн амын нягтрал ихтэй Япон улсын хувьд хиймэл арал дээр нисэх онгоцны буудал байгуулах нь мэдээж сайхан санаа байв. Уг онгоцны буудлыг байгуулахын тулд 20 тэрбум ам.долларыг зарцуулжээ. 21 сая хавтгай дөрвөлжин метр газрыг ухаж, 2.5х4 км гүйх зурвасыг бий болгоход нийт 10,000 ажилчин хөлс хүчээ гаргасан байдаг. Өнөөг хүртэл уг онгоцны буудал нь дэлхийн хамгийн их хөрөнгө, хүч шаардагдсан инженерийн төсөл хэвээр байгаа аж.

Арабын Нэгдсэн Эмират улсын Дубай хотод байрлах тус буудал нь 2010 оны 4-р сарын 27-ны өдөр нээгдсэн түүхтэй. Emaar Properties компаний захирал дэлхийн хэмжээний алдарт загвар зохион бүтээгч Georgia Armani-г урьж буудлын нээлтийн ёслолдоо оролцуулсан бөгөөд хоёр дахь барилгаа Миланд барих болно хэмээн захирал Mohamed Alabbar нь мэдэгдсэн. Дэлхийн хамгийн өндөр барилга болох Бурж Халифа нь 828 метрт орших хамгийн өндөр тулгуургүй барилга юм. Арабын Нэгдсэн Эмират улс салхины хүч ихтэй болохоор тус барилга ашиглалтанд орохын тулд нийт 40 төрлийн салхины шалгуурыг давсан байдаг. Дан ганц барилгыг шалгаад зогссонгүй ашиглаж байгаа крануудыг хүртэл шалгажээ.

 

Энэхүү морины тах хэлбэртэй тунгалаг шилэн гүүр нь АНУ-ын Аризона мужийн Гранд Канионд оршдог. Шал болон хажуу хана зэргийг бүхэлд нь шилээр хийжээ. Colorado голоос дээш 1219 м өндөрт оршдог энэхүү гүүрэн дээр өндрөөс айх эмгэгтэй хүмүүсийг гарахгүй байхыг зөвлөдөг ажээ. Тус гүүрийг 2007 онд ашиглалтанд оруулсан ба хадны ирмэгээс 21 м сунгасан учраас тус байгууламжийн ихэнх хэсэг нь агаарт тогтдог. Гүүрний даац нь 71 сая тонн буюу 71 ширхэг Бойнг 747 онгоцыг даах чадалтай. Гүүрийг барихад нийт 37,648 кг шил, 453,592 кг ган ашигласан байна. Зөвхөн өрөмдөх үйл явц л гэхэд бүтэн жилийн турш үргэлжилжээ.