Зөөврийн “Snoozebox” зочид буудлын төслийг Лондоны Тангерин архитекторын студи зохион бүтээжээ. Уг төсөл  Тесла, Убер зэрэг алдартай зохион бүтээгчдийн адил загварын нэр хүндтэй шагналыг хүртсэн байна. 
       “Snoozebox” зочид буудлыг хаана ч зөөвөрлөж аваачих боломжтой тул  дуу хөгжмийн наадам, богино хугацааны спортын арга хэмжээнд хэрэглэхэд тохиромжтой. Зочид буудлын дотоод заслыг гэртээ байгаа мэт тухтай амарч тухлах боломжтой байхаар төлөвлөж, бүхий л тавилга хэрэгслийг багтааж өгсөн. Буудлын дотор тухлаг буйдан, унтах үед эвхдэг ор болдог гоёмсог ширээ, угаалгын өрөө, хувцасны шүүгээ гээд бүгд бий.  Өрөөний сонголтоо хийхдээ ганцаар, хосоороо, найз нөхөдтэйгээ явж байгаа зэргээс хамаарч 1-4 хүний багтаамжтайг сонгон орж болно.  100 өрөө бүхий зочид буудлын үйлчилгээг хоногийн 24 цагийн аль ч үед авах боломжтой.
     Тус зочид буудлын хамгийн гол онцлог нь дуу чимээг сайтар тусгаарласан хавтан бүхий хана юм. Хэт их дуу чимээ, чичиргээнээс найдвартай хамгаалагдсан буудлын өрөөнд тайван унтаж амарч байхад гадна нь хөгжмийн наадам үргэлжилсээр л байдаг. “ Snoozebox” зочид буудлыг аль хэдийн дэлхийн хамгийн том хөгжмийн наадам болох хөл хөдөлгөөн ихтэй Glastonbury сонгох болжээ.