Франц улс, Альпийн нурууны  “Куршевель  1850” цанын баазад байрлах  гоёмсог нэгэн сууц болох “Karakorama” буюу “Хархорин” –ыг танилцуулж байна.
Швейцарь маягийн зуны сууцнаас санаа авч зохион бүтээсэн уг сууц нь дээд зэрэглэлийн цанын бааз дахь дэлхийд алдартай К2 зочид буудлын 29 байрны нэг нь юм.
         Энэхүү цанын баазад уламжлалт бэлчээрийн мал аж ахуйн уулын хэв маягийг олж харах болно.      Байшингийн  талбайн нийт хэмжээ 500 м2 бөгөөд 5 унтлагын өрөө, 5 ариун цэврийн өрөө, усан сан, зочны өрөөнд гэрийн кинотеатр бүхий уулын уламжлалт хэв загварыг орчин үеийн гоёмсог шийдэлтэй төгс хослуулсан тансаг сууц юм. Цанын баазын гүйлтийн замын дээр, сүрлэг ойн дунд байрлалтай тус зочид буудлын сууцнуудыг цайвар модоор барьж, дотоод заслыг хийхдээ мөн цайвар саарал өнгийн байгалийн материал түлхүү ашиглажээ.
      Та тус зочид буудалд амарснаар зөвхөн танд үйлчлэх хувийн тогооч, жолооч, физик эмчилгээний эмчийг сонгож болно. Мөн нисдэг тэргээр зугаалж, гоо сайхны массаж хийлгэнгээ гоёмсог усан санд тухалж, шөнийн аль ч цагт ямар ч төрлийн амттан захиалж идэх боломжтой.