Португалийн архитектор Бернардо Родригосын зохион бүтээсэн нэгэн барилгыг танилцуулж байна.  Рибера гранд нэртэй гэр бүлийн сууцны уг төсөл 2010 онд дууссан бөгөөд Португалийн Азорын арлуудын хамгийн том нь болох Соа Мигельд  байрладаг.
     Зохион бүтээгч Бернардо Родригос хэлэхдээ:  "Байшин Азорын Арлуудын  хойд хэсэгт байрладаг. Энэ хэсэг нь тариалангийн бүс нутаг учир салхи, борооны нөлөөлөл ихтэй. Тиймээс хана нь салхины хүчийг багасгах бол дээвэр нь борооны уснаас найдвартай хамгаалагдсан. Мөн байгалийн гэрлээр сууцыг хангах шилэн хана нь хүчтэй салхийг тэсвэрлэх бат бөх бөгөөд барилгын ерөнхий дизайн нь байгалийн өнгө төрхтэй гайхалтай зохицох болно.  Байшингийн дээд давхарт нь хувийн өрөөнүүд байрлах учир илүү хаалттай, тусгай хамгаалалттай байхаар төлөвлөсөн.
       Барилгын хэлбэр төрх нь нисэж буй шувуутай төстэй бөгөөд нэг далавчны доор гал тогоо, нөгөө далавчны доор нийтийн амрах өрөө байрлана. Байшингийн дээвэр дээр наранд биеэ шарангаа хойд зүгийн намуухан салхийг мэдрэх боломжийг олгох болно.