Норвеги улсын “Эрчим хүчийг үр ашигтай удирдах төв байгууллага”-ын барилгыг орчин үеийн дэвшилтэт пассив оффис гэж нэрлэж болно.
        Норвегийн  Форнебу хот дахь Олон улсын эрчим хүчний “Statoilis” компаний энэхүү оффисын барилгын загварыг архитекторын “A-Lab” студи гаргажээ. Тус барилга нь нэг нэгнийхээ дээр овоолсон 5 тэгш өнцөгт угсармал боть мэт цуврал байгууламжуудаас бүрдэнэ.
      A-Lab студийн боловсруулсан тус төсөл  2009 онд “Statoilis” компаний зарлан явуулсан тэмцээнд ирүүлсэн 40 өөр загвараас түрүүлж, одоогийн барилга болж боссон байна. Боть тус бүр ойролцоогоор 140 метр урт, 23 метр өргөн. Барилгын төв хэсэг нь нарны гэрэлтүүлгийг ашиглаж эрчим хүчний алдагдлыг тэнцвэржүүлэх замаар эрчим хүчийг хэмнэх гол түлхүүр болох бөгөөд энд байгалийн гэрэл, агаар чөлөөтэй нэвтрэх шилэн хана, дээвэр бүхий хурлын танхим байрлана.
      Энэхүү барилгын дулааны 85% -ийг дахин боловсруулж ашигладаг. Эрчим хүчний хэмнэлтийн В зэрэглэлд хүрэхийн тулд  103 кВт / м2 -аар тооцож эрчим хүчний хэрэглээг бууруулсан байна.  A-Lab студийн боловсруулсан   “Statoilis” компаний энэхүү барилга 2012 онд “Шилдэг оффисын барилга” шагналыг хүртжээ.